2 Samuel 18:28 - Marahay na Bareta Biblia

²⁸ Nagkurahaw nin pangomusta si Ahimaaz sa hade, nagdapa sa daga sa atubangan kan hade saka nagsabi, “Pag-omawon an Kagurangnan na saimong Dios, na nagtao saimo nin kapangganahan laban sa mga nagrebelde sa mahal na Hade!”

2 Samuel 18:28 ပူးပေါင်းရင်းမြစ်များ

Genesis 14:20

Pag-omawon logod an Kahorohalangkaweng Dios na nagtao saimo nin kapangganahan laban sa saimong mga kaiwal!” Dangan tinawan ni Abram si Melkizedek kan ikasampolong parte kan gabos na sinamsam.

Genesis 24:27

asin nagsabi, “Pag-omawon an Kagurangnan, an Dios kan kagurangnan kong si Abraham, na nagpahiling kan saiyang danay na pagkamoot asin kaimbodan sa sakong kagurangnan; huli ta an Kagurangnan an nangenot sako pasiring sa mga kadugo kan sakong kagurangnan.”

2 Samuel 1:2

Sunod na aldaw, uminabot an sarong hoben na lalaki hale sa kampo ni Saul. Sa pagpahiling kan saiyang kamondoan, ginisi niya an saiyang gubing asin binugtakan nin daga an saiyang payo. Nagdolok siya ki David asin nagdapa sa pagtaong galang.

2 Samuel 14:4

Nagduman an babae sa hade, nagtaong galang dangan nagsabi, “Tabangi ako, mahal na hade!”

2 Samuel 22:27

Mabini ka sa mga tawong mabini, alagad makuri ka sa mga tawong maraot.

2 Mga Cronica 20:26

Kan ikaapat na aldaw, nagtiripon sinda sa Kapantayan nin Beraca dangan nag-omaw sa Kagurangnan; kaya sagkod ngunyan an lugar na idto inaapod “Beraca”.

Salmo 115:1

Sa saimo sana, Kagurangnan, sa saimo sana, asin bakong sa samo, dapat itao an kamurawayan huli kan danay mong pagkamoot asin pagkamaimbod.

Salmo 124:6

Pasalamatan ta an Kagurangnan, na dai kita ipinagadan sa satong mga kaiwal.

Salmo 31:8

Dai mo ako itinao sa sakong mga kaiwal, kundi an bitis ko pinamugtak mo sa mahiwas na lugar.

Exodo 18:10

asin siya nagsabi, “Omawon an Kagurangnan na nagligtas saindo sa kamot kan hade asin kan mga Egipcio.

1 Samuel 17:46

Ngunyan man sanang aldaw, itatao ka nin Kagurangnan sa sakong kamot; dadaogon taka asin pupugoton ko an saimong payo. Itatao ko sa mga gamgam asin sa mga hayop an mga bangkay kan mga Filisteong soldados. Dangan maaaraman kan bilog na daga na igwa nin sarong Dios an Israel.

1 Samuel 24:18

Ipinahayag mo ngunyan kun gurano ka karahay sako, huli sa dai mo paggadan sako kan itao ako nin Kagurangnan sa saimong kamot.

1 Samuel 25:23

Kan mahiling ni Abigail si David, hidali siyang naglusad sa saiyang asno asin nagdapa sa daga,

1 Samuel 26:8

Nagsabi si Abisai ki David, “Ngunyan na banggi, itinao nin Dios sa saimong kamot an saimong kaiwal. Tugote akong itadok si Saul sa daga kan saiya man sanang garod; saro sanang tusok asin dai na kaipuhan uliton pa!”