2 Samuel 18:19 - Marahay na Bareta Biblia

¹⁹ Dangan nagsabi ki Joab si Ahimaaz, an aking lalaki ni Zadok, “Tugote akong magdalagan asin magdara kan marahay na bareta sa hade na ilinigtas siya nin Kagurangnan sa saiyang mga kaiwal.”

2 Samuel 18:19 ပူးပေါင်းရင်းမြစ်များ

2 Samuel 15:27

Sinabihan pa kan hade si Zadok, “Hilinga, magbalik ka sa syudad sa katoninongan; ipag-iba mo an saimong aking lalaki na si Ahimaaz asin si Jonatan na aking lalaki ni Abiatar.

2 Samuel 15:36

Kaiba ninda an saindang mga aking lalaki na si Ahimaaz asin Jonatan; sa paagi ninda ikakapadara mo sako an saimong nadangog.”

2 Samuel 17:17

Naghahalat si Jonatan na aking lalaki ni Abiatar asin si Ahimaaz na aking lalaki ni Zadok sa burabod sa Enrogel, huli ta habo nindang mahiling sa laog kan syudad. Sarong sorogoon na babae an danay na minaduman asin minaosip sainda kan nangyayari, dangan sinda an minaduman ki Hadeng David saka minaosip saiya.

2 Samuel 18:20

Nagsimbag si Joab, “Dai ka dapat magdara nin bareta ngunyan na aldaw; pwedeng sa ibang aldaw, alagad bako ngunyan, huli ta gadan an aking lalaki kan hade.”

2 Samuel 18:23

Nagsimbag si Ahimaaz, “Maski ano an mangyari, basta boot kong magduman.” Kaya sinabihan siya ni Joab, “Hala, dalagan na.” Nagdalagan si Ahimaaz asin nag-agi sa kapatagan; dai nahaloy, nalampasan niya an sorogoon.

2 Samuel 18:31

Dangan nag-abot an oripon na taga Sudan asin nagsabi sa hade, “Dara ko an marahay na bareta para sa mahal na hade! Pinapanggana ka ngunyan na aldaw nin Kagurangnan laban sa gabos na nagrebelde saimo!”

Salmo 10:14

Alagad nahihiling mo; namamasdan mo an kahorasaan asin kasakitan; danay kang andam sa pagtao nin tabang. An dukha minasarig sa saimo; ika an danay na nagtatabang sa mga ilo.

Salmo 10:18

Dadangogon mo an mga inagrangay kan mga naaapi asin mga ilo; susurogon mo sinda sa saimong paghukom, tanganing dai na manakot an mga tawong daganon.

Salmo 7:6

Sa kaanggotan, bumangon ka, Kagurangnan! Atubangon mo an kaanggotan kan sakong mga kalaban; pagmata, Dios ko, mawot mo an katanosan.

Salmo 9:16

Nagpamidbid an Kagurangnan huli kan saiyang mga matanos na hatol; an mga maraot nagkasiriod kan sadiri nindang gibo.

Salmo 9:4

Marahayon ka asin matanos sa saimong mga paghatol; sinurog mo ako kan ika maghukom.

Jeremias 51:31

Sunod-sunod na mga sugo an nagdadalagan pasiring sa hade nin Babilonia tanganing sabihan siya na nalaog na an saiyang syudad.

Roma 12:19

Namomotan kong mga tugang, dai nanggad kamo magbalos; pabayaan nindong an kaanggotan nin Dios an magbalos, huli ta nasusurat, “Sako an pagbalos, ako an mabayad, an sabi nin Kagurangnan.”