2 Samuel 18:18 - Marahay na Bareta Biblia

¹⁸ Kan nabubuhay pa si Absalom, nagpatindog siya nin sarong monumento para sa saiya sa Kapantayan nin Hade, huli ta mayo siya nin maski sarong aking lalaki na magdadara kan saiyang ngaran. Isinunod niya sa saiyang ngaran an ngaran kan monumento, kaya sagkod ngunyan inaapod ining Monumento ni Absalom.

2 Samuel 18:18 ပူးပေါင်းရင်းမြစ်များ

Genesis 11:4

Dangan nagsabi sinda, “Gumibo kita nin sarong syudad, na igwa nin tore na abot sa langit, tanganing mabantog kita asin dai magkasiriblag sa bilog na kinaban.”

Genesis 11:9

An syudad nginaranan Babilon, huli ta duman rinibong nin Kagurangnan an lengwahe kan gabos na tawo, asin hale duman iwinarak niya sinda sa bilog na kinaban.

Genesis 14:17

Kan magbalik si Abram hale sa panggana niya laban ki Kedorlaomer asin sa ibang mga hade, sinabat siya kan hade kan Sodoma duman sa Kapantayan nin Shave (na inaapod man Kapantayan kan Hade).

2 Samuel 14:27

Nagkaigwa si Absalom nin tolong aking lalaki, asin sarong babae na an ngaran Tamar; ini sarong babaeng magayon nin marahay.

Salmo 109:13

Magadan logod an saiyang kapagarakian; sa sunod na henerasyon malingawan logod an saiyang ngaran.

Salmo 49:11

An mga lulubngan iyo an saindang mga harong sagkod lamang; duman sinda mag-eerok sagkod pa man, maski ngani dakul na daga an nasa saindang ngaran.

Isaias 22:16

“Siisay ka sa paghona mo? Ano an deretso mo na mag-ukit nin lulubngan para sa saimo sa magapong parte kan bulod?

Jeremias 22:30

“An tawong ini kinondenar tanganing mawaraan nin mga aki, tanganing magin sarong tawo na dai nanggad mag-uuswag. Dai siya magkakaigwa nin mga kapagarakian na maghahade sa Juda bilang mga kasalihid ni David. Ako, an Kagurangnan an nagtaram.”

Daniel 4:30

nagsabi siya, “Bakong iyo ini an dakulang Babilon na pinatindog ko huli kan sakong kapangyarihan bilang sakong pangenot na syudad tanganing ipahiling an sakong kosog, kamurawayan asin kamahalan?”

Mga Bilang 32:42

Sinalakay asin sinakop ni Noba an Kenat asin an mga baryo kaini, dangan nginaranan idtong Noba, sunod sa saiyang ngaran.

1 Samuel 15:12

Kan sunod na aldaw, amay na nagmata si Samuel sa pagsabat ki Saul. Nabaretaan niya na nagduman si Saul sa Carmelo, sa lugar na pinatindogan niya nin sadiring monumento, dangan nagdagos sa Gilgal.