2 Samuel 18:17 - Marahay na Bareta Biblia

¹⁷ Kinua ninda an bangkay ni Absalom asin ihinulog sa sarong hararom na kalot duman sa kadlagan dangan tinahoban ninda an kalot nin sarong dakulang tambak nin gapo. Nagdurulag an mga Israelita; an lambang saro sa saiyang harong.

2 Samuel 18:17 ပူးပေါင်းရင်းမြစ်များ

2 Samuel 19:5

Naglaog si Joab sa harong kan hade asin sinabihan siya, “Sinupog mo ngunyan na aldaw an saimong mga tawohan—mga lalaking nagligtas kan saimong buhay, kan buhay kan saimong mga aking lalaki asin babae saka kan buhay kan saimong mga agom sagkod mga kasaroan,

2 Samuel 19:8

Dangan nagbuhat an hade, asin nagtukaw sa saiyang tukawan sa may trangkahan kan syudad. Nabaretaan kan saiyang mga tawohan na yaon siya duman, kaya nagtiripon sinda sa palibot kan hade. Mantang nangyayari ini, nagdurulag an gabos na Israelita, an lambang saro pasiring sa saiyang harong.

2 Samuel 19:9

Nagpoon na mag-iriwal an mga Israelita sa bilog na daga. Nagpasinarabihan sinda, “Ilinigtas kita ni Hadeng David sa satong mga kaiwal. Siya an nagligtas sato sa mga Filisteo, alagad nagdulag siya ki Absalom asin naghale.

2 Samuel 20:1

Nangyari na duman sa Gilgal, igwa nin sarong tawong mayo nin halaga na an ngaran Sheba, na aking lalaki ni Bikri, na gikan sa tribu ni Benjamin. Pinatanog niya an trompeta dangan nagkurahaw, “Mayo kaming kahirasan ki David; mayo kaming pamana hale sa aki ni Jesse! Mga Israelita, magpuruli na kita!”

2 Samuel 20:22

Dangan nagduman an babae sa saiyang mga kahimanwa asin sinabihan sinda kan saiyang plano. Pinugotan ninda nin payo si Sheba asin itinapok an payo sa ibong kan kudal pasiring ki Joab. Kaya pinatanog ni Joab an trompeta bilang tanda para sa saiyang mga tawohan na maghale na sa syudad asin magpuli sa saindang mga harong. Nagbalik si Joab sa Jerusalem asin sa hade.

2 Mga Hade 14:12

Nadaog an hukbo nin Juda asin nagdurulag an saiyang mga soldados pasiring sa saindang harong.

2 Mga Hade 8:21

Kaya nagluwas si Jehoram dara an gabos niyang karwahe dangan sinalakay an Zair. Pinalibotan siya duman kan mga Edomita alagad pagkabanggi, nakalusot asin nakadulag siya saka an mga opisyal kan saiyang mga karwahe. An saiyang mga soldados nagdurulag man.

Mga Talinhaga 10:7

An matanos ginigiromdom bilang bendisyon, alagad an maraot malilingawan.

Deuteronomio 21:20

Masabi sinda sa mga lider, ‘Sutil saka matumang an aki ming ini asin habong magkuyog samo; paslo siya sagkod paraburat.’

Deuteronomio 21:21

Dangan gagapoon siya kan mga lalaki kan syudad sagkod na siya magadan; sa siring na paagi mahahale sa tahaw nindo an karatan na ini. Madadangog ini kan bilog na Israel asin matatakot sinda.

Josue 10:27

Pagsolnop kan aldaw nagboot si Josue, asin an saindang mga bangkay ibinaba sa nabibitayan dangan itinapok sa lungib na pinagtagoan ninda. Binurugtakan nin darakulang gapo an laogan kan lungib asin sagkod ngunyan yaon pa an mga gapo.

Josue 7:26

dangan tinambonan nin gapo. Yaon pa ngunyan an dakulang tambak nin gapo. Kaya sagkod ngunyan, an lugar inapod Kapantayan nin Acor. Dangan nahale an kaanggotan nin Kagurangnan.

Josue 8:29

Binitay niya sa kahoy an hade kan Ai asin binayaan duman an bangkay sagkod sa hapon. Pagsolnop kan aldaw, ipinababa niya an bangkay asin ipinatapok sa may trangkahan kan syudad. An bangkay tinambakan ninda nin mga gapo na mahihiling pa duman sagkod ngunyan.

1 Samuel 4:10

Kaya nakilaban an mga Filisteo asin nadaog ninda an mga Israelita. Nagdurulag an mga Israelita pasiring sa saindang mga harong. Dakul an nagkagaradan: treynta mil na mga soldados an nagadan sa Israel.