2 Samuel 17:9 - Marahay na Bareta Biblia

⁹ Tibaad sa oras na ini, nagtatago siya sa sarong lungib o sa ibang lugar. Kun salakayon ni David an saimong mga tawohan, an siisay man na makadangog kaini masabi na nagkadaraog an saimong mga tawohan.

2 Samuel 17:9 ပူးပေါင်းရင်းမြစ်များ

2 Samuel 17:10

Kaya maski an pinakamaisog na mga lalaki na an puso siring sa puso nin sarong leon, matatakot huli ta an bilog na Israel nakakaaram na sarong dakulang soldados an saimong ama asin matitibay na mga lalaki an saiyang mga tawohan.

2 Samuel 17:8

Ika an nakakaaram na an saimong ama asin an saiyang mga tawohan mga maiisog na lalaki; siring sinda kaisog sa sarong ina nin mga oso na hinabonan nin saiyang mga ogbon duman sa oma. Paralaban an saimong ama asin dai nakikisumaro sa saiyang mga tawohan pagkabanggi.

Jeremias 41:9

An bubon na tinapokan ni Ismael kan mga bangkay kan mga lalaking ginadan niya, iyo an dakulang bubon na ipinakalot ni Hadeng Asa kan sinasalakay ini ni Baasa na hade nin Israel. An bubon pinano ni Ismael kan mga bangkay.

Josue 7:5

Linamag sinda kan mga taga Ai magpoon sa trangkahan kan syudad sagkod sa Shebarim asin ginadan an mga treynta y seis sainda sa dalan palugsot sa bulod. Kaya nagluya an boot kan mga Israelita asin natakot sinda.

Josue 8:6

Lalamagon ninda kami sagkod na mapaharayo mi sinda. Maghohona sinda na nagdudulag kami siring kan enot na nangyari.

1 Samuel 22:1

Nagdulag si David sa syudad nin Gat asin nagduman sa sarong lungib, harani sa banwa nin Adullam. Kan mabaretaan kan saiyang mga tugang na lalaki asin iba pang mga kadugo na idtoon siya duman, nagpasiring sinda saiya.

1 Samuel 23:22

Magbalik kamo asin aramon nanggad nindo kun haen siya ngunyan asin kun siisay an nakahiling saiya duman. Nadangog kong tuso siyang marahay.

1 Samuel 24:3

Nakaabot siya sa sarong lungib harani sa nagkapirang laoman nin mga karnero sa may dalan; naglaog siya sa lungib tanganing magkasilyas. Kan panahon na idto, si David asin an saiyang mga kairiba yaon duman nagtatago sa pinakaporong parte kan lungib.