2 Samuel 17:23 - Marahay na Bareta Biblia

²³ Kan mahiling ni Ahitofel na dai sinunod an saiyang hatol, kinamaderohan niya an saiyang asno dangan nagpuli sa sadiring syudad. Kan maasikaso na niya an gabos na dapat gibohon, naghugot siya. Ilinubong siya sa lulubngan kan saiyang pamilya.

2 Samuel 17:23 ပူးပေါင်းရင်းမြစ်များ

2 Samuel 15:12

Mantang nagdodolot si Absalom kan atang, ipinaapod niya an saro kan mga parahatol ni Hadeng David—si Ahitofel kan banwa nin Gilo. Orog na nagkosog an plano laban sa hade; orog man na nagdakul an mga parasunod ni Absalom.

2 Samuel 15:31

Kan maosipan si David na uminiba si Ahitofel sa pagrebelde ni Absalom, namibi siya, “O Kagurangnan, namimibi ako saimo na mamugtak logod sa kalolongan an mga hatol ni Ahitofel!”

2 Samuel 16:23

Kan panahon na idto, an anoman na hatol na itinao ni Ahitofel inaako na garong tataramon man sana nin Dios; sinunod ini ni David asin ni Absalom.

2 Samuel 17:22

Kaya nagbalyo sa Jordan si David asin an saiyang mga tawohan; kan nagbabanaag na an aldaw, nakabalyo na sinda gabos.

1 Mga Hade 16:18

Kan mahiling ni Zimri na nasakop an syudad, nagduman siya sa bantayan kan palasyo, sinulo an palasyo asin nagadan siya sa kalayo.

2 Mga Hade 20:1

Kan panahon na idto, naghelang si Hadeng Ezekias asin haros magadan siya. Dinalaw siya kan propetang si Isaias na aking lalaki ni Amoz asin sinabihan, “Tinataraman ka nin Kagurangnan na husayon mo an gabos na bagay, huli ta magagadan ka. Dai ka na mararahay.”

An Libro ni Job 31:3

Bakong minaabot an kapahamakan sa mga bakong matanos, asin an kasakitan sa mga paragibo nin karatan?

Salmo 109:20

Kagurangnan, arog logod kaiyan an saimong padusa sa mga kaiwal ko; sa mga nagtataram nin maraot tumang sako!

Salmo 5:10

Padusahan mo sinda, O Dios, huli kan saindang kasalan. Huli kan saindang mga plano, logod sinda mapukan. Pahalea sinda sa saimong atubang, huli ta sinda nagkasala saka nagtumang saimo.

Salmo 55:23

Alagad an mga paragadan asin mga madaya isusubol nin Dios sa saindang lulubngan, bago magkabangaan an mga aldaw nin saindang buhay. Alagad ika an sakong sasarigan.

Mga Talinhaga 16:18

An kapaabaw-abawan minabunga nin kapahamakan, asin an kapalangkawan nin pagkahulog.

Mga Talinhaga 19:3

Huli sa kalolongan, rinaraot kan tawo an saiyang sadiri, dangan binabasol an Kagurangnan.

Isaias 38:1

Kan panahon na idto, naghelang si Hadeng Ezekias asin haros magadan siya. Dinalaw siya kan propetang si Isaias na aking lalaki ni Amoz asin sinabihan, “Tinataraman ka nin Kagurangnan na husayon mo an gabos huli ta magagadan ka. Dai ka na mararahay.”

Mateo 27:5

Inapon ni Judas sa Templo an kwarta saka naghale siya dangan nagbitay.