2 Samuel 17:20 - Marahay na Bareta Biblia

²⁰ Nag-abot sa harong an mga opisyal ni Absalom saka hinapot an babae, “Haen na si Ahimaaz asin si Jonatan?” Nagsimbag an babae, “Nagbalyo sinda sa salog.” Hinanap sinda kan mga lalaki alagad dai nakua, kaya nagbalik sinda sa Jerusalem.

2 Samuel 17:20 ပူးပေါင်းရင်းမြစ်များ

2 Samuel 15:34

alagad matatabangan mo ako kun magbalik ka sa syudad. Sabihan mo si Absalom, ‘Magigin sorogoon mo ako, mahal na hade, siring na nagin sorogoon ako kan saimong ama.’ Sa siring na paagi, madadaog mo an hatol ni Ahitofel.

Exodo 1:19

Nagsimbag sinda, “Iba kaya an mga babaeng Hebreyo sa mga babaeng taga Egipto; bako sindang masakit mangaki, kaya bago umabot an saro samo, nakapangaki na sinda.”

Levitico 19:11

“Dai kamo maghabon o magdaya o magputik.

Hukom 4:20

Nagsabi si Sisera, “Magtindog ka sa may pintoan kan tolda asin kun may magdigdi dangan maghapot saimo kun igwang ibang tawo digdi, sabihan mong dai.”

1 Samuel 21:2

“Nagdigdi ako huli ta sinugo ako kan hade,” an simbag ni David. “Sinabihan niya akong dai dapat ipaaram sa kiisay man an ipinapagibo niya sako. Manongod sa sakong mga tawohan, sinabihan ko sindang sabaton ako sa sarong lugar.