2 Samuel 17:14 - Marahay na Bareta Biblia

¹⁴ Nagsabi si Absalom asin an gabos na Israelita, “Mas marahay an hatol ni Husai ki sa hatol ni Ahitofel.” Pinangyari nin Kagurangnan na dai pagsunodon an marahay na hatol ni Ahitofel, tanganing kapahamakan an mag-abot ki Absalom.

2 Samuel 17:14 ပူးပေါင်းရင်းမြစ်များ

Genesis 32:28

Nagsabi an lalaki, “Poon ngunyan bako nang Jacob an ngaran mo kundi Israel, huli ta nakigumolan ka sa Dios saka sa mga tawo, asin nanggana ka.”

2 Samuel 15:31

Kan maosipan si David na uminiba si Ahitofel sa pagrebelde ni Absalom, namibi siya, “O Kagurangnan, namimibi ako saimo na mamugtak logod sa kalolongan an mga hatol ni Ahitofel!”

2 Samuel 15:34

alagad matatabangan mo ako kun magbalik ka sa syudad. Sabihan mo si Absalom, ‘Magigin sorogoon mo ako, mahal na hade, siring na nagin sorogoon ako kan saimong ama.’ Sa siring na paagi, madadaog mo an hatol ni Ahitofel.

2 Samuel 16:23

Kan panahon na idto, an anoman na hatol na itinao ni Ahitofel inaako na garong tataramon man sana nin Dios; sinunod ini ni David asin ni Absalom.

2 Mga Cronica 10:15

Dai dinangog kan hade an mga tawo huli ta kabotan nin Kagurangnan Dios na mangyari ini tanganing maotob an itinaram niya ki Jeroboam na aking lalaki ni Nebat sa paagi kan propetang si Ahias na taga Shilo.

2 Mga Cronica 10:8

Alagad dai niya dinangog an hatol na itinao saiya kan mga kamagurangan. Embes kaiyan, nagpahatol siya sa mga kapwa niya hoben na kasabay niyang nagdakula, asin ngunyan mga parahatol na niya.

2 Mga Cronica 25:16

Alagad sinabihan siya ni Amazias, “Kasuarin ka nagin parahatol kan hade? Mag-ontok ta, kun dai, ipapagadan taka!” Nag-ontok an propeta alagad ikinataram pa niya an siring, “Ngunyan aram ko nang nagdesisyon an Dios na gadanon ka, huli ta ginibo mo ini asin habo kang magdangog sa hatol ko.”

2 Mga Cronica 25:20

Alagad habong magdangog si Amazias. Kabotan nin Dios na madaog si Amazias huli ta nagsamba ini sa mga dios-dios nin Edom.

Nehemias 4:15

Nabaretaan kan samong mga kaiwal na naisihan mi an saindang mga plano asin nahiling ninda na dai ini pinapangyari nin Dios. Dangan nagbalik kami gabos sa kudal, lambang saro sa saiyang trabaho.

An Libro ni Job 12:17

Ginigibo niyang mangmang an mga parahatol, asin ginigibo niyang lolong an mga hukom.

Salmo 9:15

An mga pagano nahulog sa kalot na saindang ginibo; an saindang bitis nasiod sa hikot na saindang tinago.

Salmo 9:16

Nagpamidbid an Kagurangnan huli kan saiyang mga matanos na hatol; an mga maraot nagkasiriod kan sadiri nindang gibo.

Exodo 9:16

Alagad binuhay taka tanganing ipahiling saimo an sakong kapangyarihan, asin tanganing makalakop sa bilog na kinaban an sakuyang ngaran.

Mga Talinhaga 19:21

Kadakul kan mga plano nin sarong tawo, alagad an kabotan nin Kagurangnan an magdadanay.

Mga Talinhaga 21:30

An kadonongan, pakasabot asin hatol nin tawo dai makakatabang kun an Kagurangnan laban saimo.

Isaias 8:10

Maggibo kamo nin mga plano! Alagad dai mangyayari an mga iyan. Mag-orolay kamo sagkod na boot nindo! Alagad an gabos mayo nin halaga, huli ta an Dios nasa sato.

Mga Panambitan 3:37

Mayo nin siisay man na nakapagboot asin nakagibo nin anoman kun bakong huli sa kabotan nin Kagurangnan.

Amos 9:3

Maski magtago sinda sa alitoktok kan Bukid nin Carmelo, hahanapon ko sinda asin dadakopon. Maski tagoan ninda ako sa irarom kan dagat, susugoon ko an impakto na yaon diyan tanganing kagaton sinda.

Lukas 16:8

Inomaw kan kagurangnan an madayang enkargado huli ta ginamit niya an saiyang isip. Huli ta an mga aki kan kinaban na ini mas madodonong magpalakaw kan mga pagsadiri ninda ki sa mga aki nin liwanag.”

1 Corinto 3:19

Huli ta an kadonongan kan kinaban na ini, kalolongan para sa Dios. Siring sa nasusurat, “Sinisiod nin Dios an mga madonong na tawo sa sadiri nindang katusohan.”

Deuteronomio 2:30

“Alagad dai kita tinugotan ni Sihon na hade nin Hesbon. Pinatagas nin Dios an saiyang puso tanganing madaog ta siya asin makua an saiyang daga, na sakop ta sagkod ngunyan.

Josue 11:20

Ginibo nin Kagurangnan na maigot sindang makipaglaban sa mga Israelita tanganing ronoton sinda asin gadanon na mayo nin pagkaherak. Iyo ini an ipinagboot nin Kagurangnan ki Moises.