2 Samuel 17:10 - Marahay na Bareta Biblia

¹⁰ Kaya maski an pinakamaisog na mga lalaki na an puso siring sa puso nin sarong leon, matatakot huli ta an bilog na Israel nakakaaram na sarong dakulang soldados an saimong ama asin matitibay na mga lalaki an saiyang mga tawohan.

2 Samuel 17:10 ပူးပေါင်းရင်းမြစ်များ

Genesis 49:9

Si Juda arog sa sarong leon, Ginagadan niya an saiyang biktima dangan minapuli sa saiyang lungib, Minaunat kan saiyang lawas asin minahigda. Mayong nangangahas na magpukaw saiya.

2 Samuel 1:23

“Saul asin Jonatan, namomotan asin magayon! Sa buhay saka sa kagadanan, sinda magkaibahan; mas maliksi ki sa mga agila, mas makosog ki sa mga leon.

2 Samuel 17:9

Tibaad sa oras na ini, nagtatago siya sa sarong lungib o sa ibang lugar. Kun salakayon ni David an saimong mga tawohan, an siisay man na makadangog kaini masabi na nagkadaraog an saimong mga tawohan.

2 Samuel 23:20

Si Benaias na aking lalaki ni Jehoiada na taga Kabzeel, saro man na bantog na soldados; nagpahiling siya nin dakul na gawe nin kaisogan. Ginadan niya an duwang dakulang paralaban na Moabita. Sarong aldaw sa panahon nin tiglipot, nagbaba siya sa sarong kalot asin nakagadan duman nin sarong leon.

Salmo 89:19

Sa sarong bisyon kaidto, nagtaram ka sa saimong maimbod na mga sorogoon, “Tinabangan ko an sarong bantog na soldados; itinao ko an trono sa tawong pinili ko hale sa banwaan.

Exodo 15:15

Mga lider nin Edom napano nin katakotan; makokosog na lalaki sa Moab pinagtarakigan; nawaraan nin isog gabos na taga Canaan.

Mga Talinhaga 28:1

Nagdudulag an tampalasan maski mayong naglalamag, alagad an matanos maisog arog sa leon.

Awit nin mga Awit 3:7

Maabot si Solomon, lunad sa saiyang trono; sesentang soldados an nagbabantay saiya, an pinakamakosog na mga lalaki nin Israel.

Isaias 13:7

Kaya panruruluyahon an gabos na kamot asin mawawaraan nin kosog nin boot an gabos na tawo.

Isaias 19:1

Iyo ini an mensahe dapit sa Egipto. Madatong sa Egipto an Kagurangnan lunad sa sarong marikas na panganoron; tatarakigan an mga ladawan nin Egipto asin mawawaraan nin kosog nin boot an mga Egipcio.

Ezekiel 21:15

An espadang iyan nakakapaluya kan boot kan sakuyang banwaan asin nakakapatumba sainda. An saindang syudad hinuhomaan ko nin sarong espada na nagsisilyab siring sa kikilat asin andam sa paggadan.

Deuteronomio 1:28

Tano na magduman kita? Tinakot kita kan satuyang mga sinugo na nagsasabing darakula saka haralangkaw ki sa sato an mga tawo duman, asin nag-eerok sinda sa mga syudad na an kudal abot sa langit. Nakahiling sinda nin mga higante duman!’

Hebreyo 11:34

sinigbo ninda an naglalaad na kalayo, patin nadulagan ninda an kagadanan sa espada. Mga maluya sinda, alagad nagin mga makosog; mapangyari sinda sa ralaban saka nadaog ninda an mga hukbo kan mga dayuhan.

1 Samuel 16:18

Nagsabi an saro kan saiyang mga katabang, “Nahiling kong marahay magtugtog an sarong aking lalaki ni Jesse na taga Betlehem. Saro man siyang maisog asin gwapong lalaki, sarong marahay na soldados, asin marahay magtaram. Yaon saiya an Kagurangnan.”

1 Samuel 18:17

Dangan nagsabi si Saul ki David, “Uya an matua kong aking babae na si Merab. Itatao ko siya saimo bilang agom bastang paglingkodan mo ako bilang sarong maisog asin maimbod na soldados, saka ipaglalaban mo an mga gera nin Kagurangnan.” (Nagsaboot si Saul na sa paaging ini, magagadan si David sa kamot kan mga Filisteo, asin dai na niya kaipuhan na gibohon pa iyan.)