2 Samuel 16:8 - Marahay na Bareta Biblia

⁸ Kinua mo an kahadean ni Saul, kaya pinapadusahan ka ngunyan nin Kagurangnan huli ta kadakul sa pamilya ni Saul an saimong ginadan. Itinao na nin Kagurangnan an kahadean sa aki mong si Absalom, asin mayo ka na, ika na paragadan!”

2 Samuel 16:8 ပူးပေါင်းရင်းမြစ်များ

2 Samuel 1:16

asin sinabihan ni David an Amalekita, “Hinukoman mo an saimong sadiri kan sabihon mong ginadan mo an linahidan nin Kagurangnan.”

2 Samuel 19:19

asin nagsabi, “Mahal na Hade, patawada ako kan ginibo kong sala saimo kan aldaw na maghale ka sa Jerusalem. Dai mo na logod idto giromdomon.

2 Samuel 19:21

Nagsabi si Abisai na aking lalaki ni Zeruias, “Dapat gadanon si Simei huli ta minaldisyon niya an linahidan nin Kagurangnan bilang hade.”

2 Samuel 21:1

Kan naghahade na si David, nagkaigwa nin makuring gutom sa laog nin tolong taon. Kaya hinapot ni David an Kagurangnan manongod sa bagay na ini. Nagtaram an Kagurangnan, “Nagkasala nin panggagadan si Saul asin an saiyang pamilya; ginadan niya an mga taga Gibeon.”

2 Samuel 21:9

dangan itinao sinda ni David sa mga taga Gibeon. Binitay sinda kan mga taga Gibeon sa bukid sa atubangan nin Kagurangnan asin sabay sindang nagadan. Binitay sinda sa mga enot na aldaw nin tig-ani, sa pagpoon kan pag-ani kan sebada.

1 Mga Hade 2:8

“Dai mo man paglingawan si Simei na aking lalaki ni Gera, an Benjaminitang taga Bahurim na nagmaldisyon sako kan ako magduman sa Mahanaim. Alagad kan sabaton niya ako sa Salog nin Jordan, nanuga ako saiya sa ngaran nin Kagurangnan na dai ko siya ipapagadan.

Salmo 3:2

Dakul an minasabi manongod sako: “Dai siya tatabangan nin Dios.”

Salmo 4:2

Sagkod nuarin nindo ako sosopogon, O mga tawo? Sagkod nuarin nindo mamomotan an mayong halaga, asin hahanapon an kaputikan?

Salmo 55:3

Natatakot ako sa mga paghoma kan mga kaiwal; sa pang-aapi kan mga tampalasan. Dinadarahan ninda ako nin kasakitan, sa kaanggotan ako saindang linalabanan.

Salmo 7:4

kun an sakong katood binalsan ko nin karatan, kun kinulgan ko an kaiwal na mayo man nin dahelan;

Mga Talinhaga 26:2

An mga maldisyon na bakong maninigo dai nagkakatotoo. Arog iyan sa gamgam na naglalayog asin dai nanggad minatugdon.

Kapahayagan 16:6

Pinabulos ninda an dugo kan mga banal asin kan mga propeta, kaya tinawan mo man sinda nin dugo na inomon. Minaako sinda ngunyan kan maninigo sainda!”

Hukom 9:24

Nangyari ini tanganing si Abimelec asin an kalalakihan sa Shekem, na nagpakosog kan saiyang boot sa paggadan kan setentang aking lalaki ni Gideon, magbayad kan kasalan na saindang ginibo.