2 Samuel 16:4 - Marahay na Bareta Biblia

⁴ Sinabihan kan hade si Ziba, “Poon ngunyan, saimo na an gabos na pagsadiri ni Mefiboset.” Nagsimbag si Ziba, “Sorogoon mo ako; padagos mo logod akong mawilihan, Mahal na hade.”

2 Samuel 16:4 ပူးပေါင်းရင်းမြစ်များ

2 Samuel 14:22

Nagdapa si Joab sa daga sa pagtaong galang ki David dangan nagsabi, “Bendisyonan ka logod nin Dios, mahal na hade! Ngunyan naaaraman ko nang nawiwili ka sako, huli ta itinugot mo an sakong kahagadan.”

2 Samuel 14:4

Nagduman an babae sa hade, nagtaong galang dangan nagsabi, “Tabangi ako, mahal na hade!”

2 Samuel 14:8

Nagsimbag an hade, “Magpuli ka na asin ako na an bahala sa bagay na iyan.”

2 Samuel 16:3

Naghapot an hade, “Haen si Mefiboset, an makoapo kan saimong kagurangnan na si Saul?” Nagsimbag si Ziba, “Nagpawalat siya sa Jerusalem huli ta nagtutubod siyang ibabalik saiya kan mga Israelita an kahadean kan saiyang lolo na si Saul.”

2 Samuel 16:5

Pag-abot ni Hadeng David sa Bahurim, nagluwas sa pagsabat saiya an saro sa mga kadugo ni Saul, na an ngaran Simei, na aking lalaki ni Gera. Minamaldisyon niya si David mantang naglalakaw

2 Samuel 19:27

Kaputikan an ibinareta niya saimo manongod sako, alagad arog ka sa anghel nin Dios, kaya giboha an pinaghohona mong marahay.

2 Samuel 9:6

Kan mag-abot si Mefiboset na aking lalaki ni Jonatan asin makoapo ni Saul, nagduko siya sa atubangan ni David sa pagtaong galang. Nagsabi si David, “Mefiboset!” Nagsimbag si Mefiboset, “Uya an saimong sorogoon.”

2 Samuel 9:9

Dangan inapod ni David si Ziba, an sorogoon ni Saul, asin sinabihan, “Ibinabalik ko sa makoapo kan saimong kagurangnan an gabos na pagsadiri ni Saul asin kan saiyang pamilya.

Exodo 23:8

Dai ka mag-ako nin suhol, huli ta an suhol nakakabuta sa tawo asin nakakapadaog sa mga tawong mayong sala.

Mga Talinhaga 18:13

An pagsimbag bago maghinanyog, sarong kamangmangan asin kasosopgan.

Mga Talinhaga 18:17

An enot na magtaram sa atubang kan korte hinohona na tama sagkod na dai pa siya hinahapot kan saiyang kalaban.

Mga Talinhaga 19:2

Bakong marahay para sa sarong tawo an mayo nin pakaaram; an naghihidali dai nakakakua kan dalan.

Deuteronomio 19:15

“Kulang an saro sanang saksi tanganing makondenar an sarong tawo para sa ano man na krimen; duwa o tolong saksi an kaipuhan sa pagpatotoo na an tawo nagkasala.