2 Samuel 16:23 - Marahay na Bareta Biblia

²³ Kan panahon na idto, an anoman na hatol na itinao ni Ahitofel inaako na garong tataramon man sana nin Dios; sinunod ini ni David asin ni Absalom.

2 Samuel 16:23 ပူးပေါင်းရင်းမြစ်များ

2 Samuel 15:12

Mantang nagdodolot si Absalom kan atang, ipinaapod niya an saro kan mga parahatol ni Hadeng David—si Ahitofel kan banwa nin Gilo. Orog na nagkosog an plano laban sa hade; orog man na nagdakul an mga parasunod ni Absalom.

2 Samuel 15:31

Kan maosipan si David na uminiba si Ahitofel sa pagrebelde ni Absalom, namibi siya, “O Kagurangnan, namimibi ako saimo na mamugtak logod sa kalolongan an mga hatol ni Ahitofel!”

2 Samuel 17:1

Dai nahaloy, sinabihan ni Ahitofel si Absalom, “Tugote akong magpili nin dose mil na kalalakihan, dangan ngunyan na banggi lalamagon ko si David.

2 Samuel 17:14

Nagsabi si Absalom asin an gabos na Israelita, “Mas marahay an hatol ni Husai ki sa hatol ni Ahitofel.” Pinangyari nin Kagurangnan na dai pagsunodon an marahay na hatol ni Ahitofel, tanganing kapahamakan an mag-abot ki Absalom.

2 Samuel 17:23

Kan mahiling ni Ahitofel na dai sinunod an saiyang hatol, kinamaderohan niya an saiyang asno dangan nagpuli sa sadiring syudad. Kan maasikaso na niya an gabos na dapat gibohon, naghugot siya. Ilinubong siya sa lulubngan kan saiyang pamilya.

An Libro ni Job 28:28

“Sinabihan nin Dios an mga tawo, ‘Uya, an pagkaigwa nin takot sa Kagurangnan iyo an kadonongan. An pagtalikod sa karatan iyo an pakasabot.’”

An Libro ni Job 5:12

Rinaraot niya an mga mukna kan mga tuso, asin tolos inoontok an plano kan mga madonong, tanganing dai magbunga an saindang ginigibo;

Salmo 19:7

An Katogonan nin Kagurangnan mayo nin kulang; nagtataong buhay sa kalag. An mga pagboot nin Kagurangnan masasarigan, nagtataong kadonongan sa mangmang.

Salmo 28:2

Dangoga an tingog nin sakong pakimaherak, kun nag-aapod ako saimo sa paghagad nin tabang, kun iniitaas ko an sakong mga kamot sa banal mong erokan.

Parahulit 10:1

An gadan na mga langaw nakakapabata sa sarong botelyang pahamot, asin an kadikit na kalolongan pwedeng makaraot sa kadonongan asin onra.

Jeremias 4:22

An Kagurangnan nagtataram, “Mangmang an sakong banwaan; dai ninda ako midbid. Garo sinda mga aking lolong; mayo sinda nin pakasabot. Eksperto sinda sa paggibo nin maraot alagad dai sinda tataong maggibo nin matanos.”

Jeremias 8:9

Napapasopog an mga madonong nindang tawo; nariribong sinda saka nasisiod. Isinikwal ninda an mga tataramon ko; anong kadonongan an yaon pa sainda ngunyan?

Mga Bilang 27:21

Magsasarig siya sa pading si Eleazar na makakaaram kan sakong kabotan para saiya huli sa paggamit kan Urim asin Tummim. Sa paaging ini gigiyahan ni Eleazar si Josue asin an bilog na komunidad sa gabos nindang gigibohon.”

Mateo 11:25

Kan oras na idto, nagtaram si Jesus, “O Ama, Kagurangnan nin langit asin daga! Nagpapasalamat ako saimo ta ipinahayag mo sa mga mangmang an mga bagay na tinago mo sa mga madonong asin sa mga may inadalan.

Lukas 16:8

Inomaw kan kagurangnan an madayang enkargado huli ta ginamit niya an saiyang isip. Huli ta an mga aki kan kinaban na ini mas madodonong magpalakaw kan mga pagsadiri ninda ki sa mga aki nin liwanag.”

Roma 1:22

Nagsabi sindang mga madonong sinda, alagad sa katunayan sinda mga lolong.

1 Pedro 4:11

An siisay man na naghuhulit, dapat ihulit an mensahe nin Dios; an naglilingkod, maglingkod sa bilog na kosog na itinao saiya nin Dios, tanganing sa gabos na bagay, mapamuraway an Dios huli ki Jesu-Cristo. Sa saiya sana an gabos na kamurawayan asin kapangyarihan sagkod nuarin pa man.

1 Samuel 30:8

Hinapot ni David an Kagurangnan, “Marahay daw na lamagon ko an mga parasalakay na idto? Maabotan ko pa daw sinda?” Nagsimbag an Kagurangnan, “Lamagon mo sinda; aabotan mo sinda asin mababawe an mga bihag.”