2 Samuel 16:21 - Marahay na Bareta Biblia

²¹ Nagsimbag si Ahitofel, “Lakaw asin dorogan mo an mga kasaroan kan saimong ama na nagkawaralat sa pag-ataman kan palasyo. Dangan maaaraman kan lambang saro sa Israel na saro ka nang kaiwal sa panhiling kan saimong ama, asin mapapakosog mo an boot kan mga parasunod mo.”

2 Samuel 16:21 ပူးပေါင်းရင်းမြစ်များ

Genesis 34:30

Nagsabi si Jacob ki Simeon asin ki Levi, “Dinarahan nindo ako nin problema; maaanggot sako an mga Cananeo, mga Perezeo saka an gabos na nag-eerok digdi sa daga. Dikit an tawohan ko; kun magkaboronyog sinda laban sako asin salakayon ako, magagadan an bilog tang pamilya.”

Genesis 35:22

Kan nag-eerok na si Jacob sa dagang idto, dinorogan ni Ruben si Bilha na saro kan mga kasaroan nin saiyang ama; naanggot nin marahay si Jacob kan maisihan ini. Dose an mga aking lalaki ni Jacob.

Genesis 38:16

Dinolok siya ni Juda sa gilid kan dalan asin sinabihan, “Gurano man an hagad mo?” (Dai namidbidan ni Juda na an babae iyo an saiyang manugang.) Nagsimbag si Tamar, “Ano an ikakatao mo sako?”

Genesis 6:4

Sa mga aldaw na idto asin sa mga nagsunod pang panahon, nagkaigwa nin mga higante sa kinaban. An mga ini an nagin aki kan mga aking babae kan mga tawo asin kan mga aki nin Dios; sinda an mga bantog saka makokosog na mga tawo kan enot na panahon.

2 Samuel 10:6

Kan nahiling kan mga Ammonita na nagin kaiwal ninda si David, tinandanan ninda an beynte mil na soldados nin Siria hale sa Bet-rehob asin sa Zoba, an dose mil na kalalakihan hale sa Tob, asin an hade nin Maaca, kaiba an sangribong tawohan niya.

2 Samuel 12:11

Isinusumpa kong papalatawon ko an sarong tawo hale sa saimong pamilya tanganing darahan ka nin karatan. Sa atubang mo, kukuahon ko an saimong mga agom dangan itatao ko sinda sa ibang lalaki. Sa liwanag nin aldaw, dodorogan ninda an saimong mga agom.

2 Samuel 13:5

Sinabihan siya ni Jonadab, “Humigda ka asin magsagin-sagin na may helang. Pagdigdi kan saimong ama sa pagkomusta saimo, sabihan mong, ‘Tugoteng magdigdi an tugang kong si Tamar tanganing tawan ako nin tinapay asin pakakanon ako. Boot kong siya an magluto kan pagkakan sa atubang ko dangan siya na mismo an magpakakan sako.’”

2 Samuel 15:16

Kaya naghale an hade kaiba an saiyang pamilya asin mga opisyal, pwera kan sampolong kasaroan ni David na iwinalat niya tanganing atamanon an palasyo.

2 Samuel 16:20

Dangan sinabihan ni Absalom si Ahitofel, “Ngunyan na uya na kita digdi, ano an ihahatol mong gibohon ta?”

2 Samuel 17:7

Nagsimbag si Husai, “Bakong marahay an itinaong hatol saindo ngunyan ni Ahitofel.

2 Samuel 2:7

Magmakosog asin magmaisog kamo; gadan na si Saul na saindong hade, asin linahidan na ako kan mga taga Juda bilang saindang hade.”

2 Samuel 20:3

Pag-abot ni David sa saiyang palasyo sa Jerusalem, kinua niya an sampolo niyang kasaroan na winalat niyang mangataman kan palasyo. Linaom niya sinda sa sarong harong asin pinabantayan. Tinawan niya sinda kan saindang kaipuhan, alagad dai niya sinda dinorogan. Kaya nagdanay sindang garo mga balo sagkod na sinda magadan.

1 Mga Hade 11:25

Nagin kaiwal kan Israel si Rezon sa bilog na panahon kan paghahade ni Solomon.

1 Mga Hade 2:17

Nagsimbag siya, “Nakikimaherak ako na hagadon mo ki Hadeng Solomon si Abisag na Sunamita na itao niya sako bilang agom ko. Aram ko na dai ka niya sasayumahan.”

1 Mga Hade 2:22

“Tadaw ta hinahagad mo na itao ko saiya si Abisag?” an hapot kan hade. “Hagadon mo na man para saiya pati an kahadean huli ta matua ko siyang tugang asin kakampi niya an padi na si Abiatar saka si Joab na aking lalaki ni Zeruias.”

Levitico 18:8

Dai nindo pagtawan nin kasosopgan an saindong ama huli sa pagdorog sa kiisay man sa saiyang ibang agom.

Levitico 20:11

An siisay man na lalaking magdorog sa saro kan mga agom kan saiyang ama, nagdadara nin kasosopgan sa saiyang ama asin dapat gadanon kaiba kan babae. Sinda an responsable kan sadiri nindang kagadanan.

Zacarias 8:13

Mga taga Juda asin mga taga Israel, kaidto, kun igwa nin boot na maldisyonon an mga dayuhan minasabi sindang, ‘Umabot man logod saimo an parehong maldisyon na uminabot sa Juda asin sa Israel!’ Alagad ililigtas ko kamo, dangan masabi an mga dayuhan na idto, ‘Akoon mo logod an parehong bendisyon na uminabot sa Juda asin sa Israel!’ Kaya magmaisog kamo asin dai kamo matakot.”

1 Corinto 5:1

May nakapagbareta sako na diyan saindo igwa daa nin sarong lalaki na nakikidorog sa saiyang madrasta. Iyan sarong karigsokan na maski an mga pagano dai nangangahas na maggibo.

1 Samuel 13:4

Naaraman kan gabos na Israelita na ginadan ni Saul an pamayo kan mga Filisteo asin naanggot an mga ini sainda. Kaya nagduruman an mga tawo sa Gilgal asin nakisumaro ki Saul.

1 Samuel 27:12

Nagtubod si Akis ki David; nagsaboot siya, “Naoongisan siya nin marahay kan saiyang banwaan na Israel, kaya danay na maglilingkod siya sako.”