2 Samuel 16:16 - Marahay na Bareta Biblia

¹⁶ Kan masabatan si Absalom ni Husai, na katood ni David, nagkurahaw si Husai, “Mabuhay an hade! Mabuhay an hade!”

2 Samuel 16:16 ပူးပေါင်းရင်းမြစ်များ

2 Samuel 15:32

Kan nakaabot si David sa alitoktok kan bulod, saen sinasamba an Dios, sinabat siya kan pinapaniwalaan niyang katood na si Husai na Arkita, na gisi an gubing asin may alpog an payo.

2 Samuel 15:34

alagad matatabangan mo ako kun magbalik ka sa syudad. Sabihan mo si Absalom, ‘Magigin sorogoon mo ako, mahal na hade, siring na nagin sorogoon ako kan saimong ama.’ Sa siring na paagi, madadaog mo an hatol ni Ahitofel.

2 Samuel 15:37

Kaya nagbalik sa syudad an katood ni David na si Husai kan naglalaog si Absalom sa Jerusalem.

1 Mga Hade 1:25

Ngunyan na aldaw naghale siya asin nag-atang nin dakul na baka, karnero, asin mga pinatabang torilyong baka. Inalok niya sa saiyang bangkete an gabos mong aking lalaki, si Joab na pamayo kan saimong hukbo, asin an padi na si Abiatar. Sa oras na ini, nagkakarakan asin nag-iirinom sinda sa kaibahan niya asin nagkukururahaw, ‘Mabuhay si Hadeng Adonias!’

1 Mga Hade 1:34

Lalahidan siya duman ni Zadok asin ni Natan bilang hade nin Israel. Dangan patanogon nindo an trompeta asin magkurahaw kamong, ‘Mabuhay si Hadeng Solomon!’

1 Mga Hade 4:5

An pamayo kan mga gobernador kan distrito: Si Azarias na aking lalaki ni Natan An parahatol kan Hade: An padi na si Zabud na aking lalaki ni Natan

2 Mga Hade 11:12

Dangan ilinuwas ni Jehoiada si Joas, kinoronahan, saka tinawan kan kopya kan katogonan nin paghahade. Ginibo nindang hade si Joas; asin linahidan ini nin lana. Dangan nag-oropak an mga tawo saka nagkururahaw, “Mabuhay an hade!”

Daniel 2:4

Nagsimbag sinda sa hade sa lengwaheng Arameo, “Mabuhay logod sagkod pa man an Mahal na Hade! Sabihan samo an saimong pangatorogan, asin ipapaliwanag mi iyan saimo.”

Daniel 5:10

Nadangog kan inang reyna an ribok kan hade asin kan mga iginagalang na lalaki sa palasyo kaya naglaog siya sa lugar nin bangkete. Nagsabi an inang reyna, “Mabuhay logod sagkod lamang an Mahal na Hade! Dai ka man logod mapurisaw asin dai manlongsi.

Daniel 6:21

Nasimbag si Daniel, “Mabuhay logod sagkod pa man an Mahal na Hade!

Daniel 6:6

Kaya nagduman sinda sa hade asin nagsabi, “Hadeng Dario, mabuhay ka logod sagkod lamang!

Mateo 21:9

Nagkurahaw an mga tawong naglalakaw sa enotan saka sa hurihan ni Jesus, “Osana sa Aki ni David! Paladan an minadatong sa ngaran nin Kagurangnan! Osana sa kaitaasan!”

1 Samuel 10:24

Sinabihan ni Samuel an mga tawo, “Uya an lalaking pinili nin Kagurangnan! Mayo nin siisay man sato na makakaarog saiya.” Dangan nagkurahaw an gabos na tawo, “Mabuhay an hade!”