2 Samuel 15:31 - Marahay na Bareta Biblia

³¹ Kan maosipan si David na uminiba si Ahitofel sa pagrebelde ni Absalom, namibi siya, “O Kagurangnan, namimibi ako saimo na mamugtak logod sa kalolongan an mga hatol ni Ahitofel!”

2 Samuel 15:31 ပူးပေါင်းရင်းမြစ်များ

2 Samuel 15:12

Mantang nagdodolot si Absalom kan atang, ipinaapod niya an saro kan mga parahatol ni Hadeng David—si Ahitofel kan banwa nin Gilo. Orog na nagkosog an plano laban sa hade; orog man na nagdakul an mga parasunod ni Absalom.

2 Samuel 16:23

Kan panahon na idto, an anoman na hatol na itinao ni Ahitofel inaako na garong tataramon man sana nin Dios; sinunod ini ni David asin ni Absalom.

2 Samuel 17:14

Nagsabi si Absalom asin an gabos na Israelita, “Mas marahay an hatol ni Husai ki sa hatol ni Ahitofel.” Pinangyari nin Kagurangnan na dai pagsunodon an marahay na hatol ni Ahitofel, tanganing kapahamakan an mag-abot ki Absalom.

2 Samuel 17:23

Kan mahiling ni Ahitofel na dai sinunod an saiyang hatol, kinamaderohan niya an saiyang asno dangan nagpuli sa sadiring syudad. Kan maasikaso na niya an gabos na dapat gibohon, naghugot siya. Ilinubong siya sa lulubngan kan saiyang pamilya.

2 Samuel 17:5

Nagsabi si Absalom, “Apoda man nindo si Husai na Arkita, asin dangogon ta an saiyang sasabihon.”

2 Samuel 17:7

Nagsimbag si Husai, “Bakong marahay an itinaong hatol saindo ngunyan ni Ahitofel.

An Libro ni Job 5:12

Rinaraot niya an mga mukna kan mga tuso, asin tolos inoontok an plano kan mga madonong, tanganing dai magbunga an saindang ginigibo;

Salmo 109:3

Mga tataramon nin kaanggotan sinasabi ninda sako; asin maski mayo nin dahelan sinasalakay ninda ako.

Salmo 3:1

Kadakul kan sakong mga kaiwal, Kagurangnan; dakul an minabangon tumang sako!

Salmo 41:9

Maski an katood na sakong pinaniwalaan, an nagkakan sa kaibahan ko, ngunyan nagtumang sa sako.

Salmo 55:10

Aldaw-banggi napapalibotan iyan, sa laog pano nin karatan asin kasakitan.

Salmo 55:12

Matitios ko kuta kun ini gibo nin sarong kaiwal; kun karibal ko an naghahambog sako, siya matatagoan ko.

Isaias 19:3

Dai ko papangyarihon an mga plano kan mga Egipcio asin hahaleon ko an saindang kosog nin boot. Makikihumapot sinda sa mga ladawan, sa mga parakulam, sa mga nakikihumapot sa mga gadan asin sa mga salamangkero.

Isaias 44:25

Ginigibo kong mga lolong an mga parahula asin dai ko pinapangyari an hula kan mga nag-aadal kan mga bitoon. Sinasalungat ko an mga tataramon kan mga madonong asin ipinahiling kong kalolongan an saindang kadonongan.

Juan 13:18

“Bakong kamo gabos an sinasambit ko; midbid ko an mga pinili ko. Alagad kaipuhan maotob an nasasabi sa kasuratan, ‘Ipinasaluib ako kan tawong kahiras ko kan tinapay ko.’

1 Corinto 1:20

Kun siring, ano na an kamugtakan kan mga madonong? o kan mga haralangkaw an inadalan? o kan mga matitibay na paradebate sa panahon na ini? An kadonongan kan kinaban na ini, ginibo nin Dios na kalolongan!

Santiago 3:15

An siring na kadonongan bakong hale sa langit kundi sa kinaban, sa laman asin sa demonyo.