2 Samuel 15:25 - Marahay na Bareta Biblia

²⁵ Dangan sinabihan kan hade si Zadok, “Ibalik nindo an Kaban nin Tipan sa syudad. Kun nawiwilihan ako nin Kagurangnan, tutugotan niya akong makabalik tanganing mahiling ko iyan giraray asin an lugar na namumugtakan kaiyan.

2 Samuel 15:25 ပူးပေါင်းရင်းမြစ်များ

2 Samuel 6:17

An Kaban nin Tipan nin Kagurangnan dinara ninda asin ibinugtak sa sadiri kaining lugar sa laog kan tolda na pinatindog ni David. Pakatapos, nagdolot si David nin mga tinutong na atang asin dolot para sa katoninongan sa Kagurangnan.

2 Samuel 7:2

sinabihan niya an propetang si Natan, “Uya ako nag-eerok sa harong na gibo sa sedro, alagad sa sarong tolda sana namumugtak an Kaban nin Tipan nin Dios!”

Salmo 122:1

Ako naogma kan ako saindang sabihan, “Dumuman kita sa harong nin Kagurangnan.”

Salmo 122:9

Huli sa harong nin Kagurangnan na samuyang Dios, ipapamibi ko an saimong karahayan.

Salmo 26:8

Namomotan ko an saimong harong, Kagurangnan, an pinag-eerokan kan saimong kamurawayan.

Salmo 84:10

Sarong aldaw sa laog nin saimong mga patyo orog na marahay ki sa sangribong aldaw sa ibang lugar. Papaorogon ko an magtindog sa trangkahan kan harong nin sakong Dios, ki sa mag-erok sa harong nin mga tampalasan.

Exodo 15:13

Maimbod sa panuga, nangenot ka sa mga tawong saimong ilinigtas; sinda inantabayan mo kan saimong kosog pasiring sa saimong banal na daga.

Exodo 33:12

Nagsabi si Moises sa Kagurangnan, “Totoo mananggad na sinabihan mo ako na pangenotan ko an mga tawong ini pasiring sa dagang idto, alagad dai mo ako tinaraman kun siisay an makakatabang ko. Nagsabi kang midbid mo ako asin nawiwilihan mo.

Exodo 33:13

Kaya ngunyan, kun totoong nawiwilihan mo ako, pahilingan sako an saimong mga plano, tanganing mamidbid taka asin padagos na mawilihan mo ako. Giromdoma man na pinili mo an banwaan na ini para saimo.”

Isaias 38:22

Naghapot si Ezekias, “Ano an tanda na makakalaog pa ako sa Templo?

Jeremias 25:30

“Jeremias, dapat na ipahayag mo an lambang sinabi ko. Taraman mo nanggad an mga tawong ini, ‘An Kagurangnan maghahagubohob hale sa langit asin magdadaguldol hale sa kaitaasan nin langit. Maghahagubohob siya laban sa saiyang banwaan; magkukurahaw siya arog kan sarong tawo na nagtitimaktimak kan mga ubas. An lambang saro sa daga makakadangog saiya,

Jeremias 7:4

Dai kamo magtubod sa mga madayang tataramon na ini: ‘Ligtas kami digdi! Ini an Templo nin Kagurangnan, an Templo nin Kagurangnan, an Templo nin Kagurangnan!’