2 Samuel 15:21 - Marahay na Bareta Biblia

²¹ Alagad nagsimbag si Ittai, “Mahal na hade, isinusumpa ko saimo sa ngaran kan buhay na Kagurangnan na danay akong maiba saimo minsan saen, sa buhay man o sa kagadanan.”

2 Samuel 15:21 ပူးပေါင်းရင်းမြစ်များ

2 Samuel 15:22

Sinabihan ni David si Ittai, “Kun siring, agi na!” Kaya nag-agi sa atubang ni David si Ittai kaiba an gabos niyang tawohan asin an saindang mga pamilya.

2 Mga Hade 2:2

asin sa dalan nagsabi si Elias ki Eliseo, “Magpawalat ka digdi, huli ta pinagbotan ako nin Kagurangnan na magduman sa Betel.” Alagad nagsimbag si Eliseo, “Minasumpa ako huli sa sakong kaimbodan sa buhay na Kagurangnan asin sa saimo, na dai taka babayaan.” Kaya nagpadagos sindang duwa sa Betel.

2 Mga Hade 2:4

Dangan nagsabi si Elias ki Eliseo, “Magpawalat ka digdi, huli ta pinagbotan ako nin Kagurangnan na magduman sa Jerico.” Alagad nagsimbag si Eliseo, “Minasumpa ako huli sa sakong kaimbodan sa buhay na Kagurangnan asin sa saimo, na dai taka babayaan.” Kaya nagpadagos sinda sa Jerico.

2 Mga Hade 2:6

Dangan nagsabi si Elias ki Eliseo, “Magpawalat ka digdi, huli ta pinagbotan ako nin Kagurangnan na magduman sa Salog nin Jordan.” Alagad nagsimbag si Eliseo, “Minasumpa ako huli sa sakong kaimbodan sa buhay na Kagurangnan asin sa saimo, na dai taka babayaan.” Kaya nagpadagos sinda sa paglakaw,

2 Mga Hade 4:30

Alagad nagsabi an ina kan aki, “Minasumpa ako sa ngaran kan buhay na Kagurangnan asin sa saimo na dai taka babayaan!” Kaya nagtindog si Eliseo asin nag-iba sa babae.

Mga Talinhaga 17:17

An katood namomoot sa gabos na panahon, asin tugang siyang minadamay sa oras nin kasakitan.

Mga Talinhaga 18:24

May pagkakatood na dai naghahaloy, alagad may katood na labi pa sa tugang.

Mga Gibo 11:23

Pag-abot ni Bernabe duman, naogma siya nin marahay kan mahiling niya na kanigoan an bendisyon na itinao nin Dios sa mga tawo. Sinadol niya sinda gabos na magdanay na maimbod sa Kagurangnan.

Mga Gibo 21:13

Alagad nagsimbag siya, “Tadaw ta nagtatangis kamo asin pinapaluya nindo an boot ko? Andam ako bako sanang magpabilanggo kundi maski magpagadan sa Jerusalem dahel sa Kagurangnan na Jesus.”

2 Corinto 7:3

Dai ko ini sinasabi sa pagkondenar saindo, huli ta sinabi ko na saindo kaidto, na namomotan ko kamo; danay kitang mag-iiriba sa buhay o sa kagadanan.

1 Samuel 20:3

Alagad nagsimbag si David, “Aram kan saimong ama na nawiwilihan mo ako nin marahay, kaya naisip niyang dai ipaaram saimo an saiyang kaisipan tanganing dai ka mamondo. Alagad minasumpa ako saimo, sa ngaran kan buhay na Kagurangnan, na saro na sanang lakad an nasa pagultanan ko asin an kagadanan!”

1 Samuel 25:26

An Kagurangnan an nagpugol saimo tanganing dai mo mabalos asin magadan an saimong mga kaiwal. Minasumpa ako saimo sa ngaran kan buhay na Kagurangnan na papadusahan an saimong mga kaiwal asin an gabos na nagmamawot na darahan ka nin karatan arog ki Nabal.