2 Samuel 15:20 - Marahay na Bareta Biblia

²⁰ Halipot pa sanang panahon an pag-erok mo digdi, kaya tadaw ta ipag-iba taka sa paglagalag sa kaibahan ko mantang dai ko aram kun mapasaen ako? Balik kamo dangan ibahan an mga kahimanwa mo—asin ipahiling logod saimo nin Kagurangnan an danay na pagkamoot asin kaimbodan.”

2 Samuel 15:20 ပူးပေါင်းရင်းမြစ်များ

2 Samuel 2:5

nagpadara siya nin mga lalaki duman tanganing magsabi, “Bendisyonan logod kamo nin Kagurangnan huli kan pagpahiling nindo kan saindong kaimbodan sa saindong hade sa paglubong saiya.

2 Samuel 2:6

Kaherakan logod kamo nin Kagurangnan asin magin maimbod logod siya saindo. Gigibohan ko kamo nin marahay huli kan saindong ginibo.

Salmo 25:10

Pagkamoot asin kaimbodan an gabos niyang dalan, para sa mga nag-ootob kan saiyang tipan saka kabotan.

Salmo 56:8

Bilang mo an sakong mga horasa; bilang mo an sakuyang mga luha. Bako daw na sa saimong libro iyan nakatala?

Salmo 57:3

Masimbag siya hale sa langit, asin ililigtas ako; sosopogon niya an mga nang-aapi sako. Ipapahiling nin Dios an danay niyang pagkamoot asin an saiyang pagkamaimbod.

Salmo 59:15

Naglilibot sa paghanap nin pagkakan, minangurob-ngurob kun nakukulangan.

Salmo 61:7

O Dios, maghade logod siya sagkod pa man sa saimong atubang; logod siya bantayan kan danay mong pagkamoot asin pagkamaimbod.

Salmo 61:8

Kaya danay akong mag-aawit sa saimong ngaran, mantang inootob ko aroaldaw an sakong panuga.

Salmo 85:10

An pagkamoot asin an pagkamaimbod magtutuparan; an katanosan asin an katoninongan maghahadokan.

Salmo 89:14

Katanosan asin hustisya an mga pundasyon kan saimong trono; pagkamoot asin kaimbodan nahihiling sa gabos mong gibo.

Mga Talinhaga 14:22

Bako daw kasalan an pag-isip nin maraot? An nag-iisip nin marahay sinasarigan saka ginagalangan.

Mga Talinhaga 3:3

Padanaya saimo an kaimbodan; ikulintas mo iyan sa saimong liog asin isurat sa saimong puso.

Amos 8:12

Malakaw an mga tawo magpoon sa may Gadan na Dagat sagkod sa Mediteraneo dangan malibot magpoon sa amihan pasiring sa sirangan. Hahanapon ninda sa gabos na lugar an mensahe nin Kagurangnan, alagad dai ninda iyan makukua.

Juan 1:17

An Katogonan itinao nin Dios sa paagi ni Moises, alagad an biyaya asin katotoohan nag-abot sa paagi ni Jesu-Cristo.

1 Samuel 23:13

Kaya hidaling naghale sa Keila si David asin an saiyang mga tawohan—mga anom na gatos gabos—asin dai na sinda nag-ontok sa paglakaw. Kan maaraman ni Saul na nakadulag si David hale sa Keila, dai na niya ipinadagos an pagsalakay.