2 Samuel 15:2 - Marahay na Bareta Biblia

² Danay siyang amay na minabangon dangan minatindog sa gilid kan dalan palaog sa syudad. An siisay man na minaagi duman na igwa nin kaso na boot darahon sa hade tanganing hukoman, inaapod ni Absalom saka hinahapot kun saen siya hale. Pakasabi ki Absalom kun sa anong tribu siya gikan,

2 Samuel 15:2 ပူးပေါင်းရင်းမြစ်များ

Genesis 34:20

Nagduman sa trangkahan kan syudad si Hamor asin an aki niyang si Shekem, dangan sinabihan an mga kalalakihan,

2 Samuel 19:8

Dangan nagbuhat an hade, asin nagtukaw sa saiyang tukawan sa may trangkahan kan syudad. Nabaretaan kan saiyang mga tawohan na yaon siya duman, kaya nagtiripon sinda sa palibot kan hade. Mantang nangyayari ini, nagdurulag an gabos na Israelita, an lambang saro pasiring sa saiyang harong.

2 Mga Cronica 10:7

Nagsimbag sinda, “Kun magigin maboot ka sa mga tawong ini asin mapawili mo sinda huli sa marahay na mga tataramon, na isisimbag mo sainda maimbod sindang malingkod saimo sagkod lamang.”

An Libro ni Job 24:14

Pagkaaga, minabangon an paragadan tanganing gadanon an dukha saka mayong sukat; pagkabanggi, nakakaagid siya sa sarong mahabon.

Exodo 18:14

Kan mahiling ni Jetro an gabos na ginigibo ni Moises para sa mga tawo, naghapot siya, “Ano ining ginigibo mo? Tadaw ta sinosolo mo an trabaho? Magpoon aga sagkod banggi, napapalibotan ka nin mga tawo sa pagkonsulta saimo.”

Exodo 18:16

Kun may duwang tawo na igwang dai pinagkakaoyonan, minadolok sinda sako asin hinuhukoman ko kun siisay sa sainda an tama. Ipinapaliwanag ko sainda an mga pagboot asin mga togon nin Dios.”

Exodo 18:26

Sinda an naglingkod bilang mga hukom kan mga tawo sa gabos na panahon. Dinara ninda ki Moises an masakit na mga kaso alagad sinda na an naghukom kan masayon.

Mga Talinhaga 4:16

Huli ta an mga tampalasan dai nangangatorog kun dai nakakagibo nin maraot, asin kun mayo sinda nin nakukulogan.

Daniel 11:21

Nagpadagos sa pagpaliwanag an anghel: “An masunod na hade nin Siria sarong maraot na tawo na mayo nin deretso na magin hade, alagad madatong siyang mayong patanid asin kukuahon niya an kahadean sa paagi nin pandadaya.

Mateo 27:1

Pagkaaga, pinagkaoroyonan kan gabos na poon na mga padi asin mga kamagurangan na ipagadan si Jesus.

Deuteronomio 17:8

“Kun igwa nin mga kaso na dipisil hukoman kan mga hukom sa saindong mga banwa, arog baga kun siisay an tunay na kagsadiri, o mga kaso nin pangungulog asin nin paggadan o dai tinuyong paggadan, an mga ini darahon nindo duman sa lugar na pagsasambahan na pinili nin Kagurangnan na saindong Dios.

Ruth 4:1

Nagduman si Boaz sa may trangkahan kan banwa, sa lugar na pinagtitiriponan kan mga tawo, asin nagtukaw duman. Dai nahaloy, nag-agi an sinabi niyang pinakaharaning kadugo ni Elimelek. Inapod siya ni Boaz, “Katood, madya asin tukaw ngona digdi.” Kaya nagrani an inapod asin nagtukaw.