2 Samuel 15:1 - Marahay na Bareta Biblia

¹ Pakatapos kaini, kuminua si Absalom nin sarong karwahe asin mga kabayo para saiya, saka singkwentang kalalakihan na masabay saiya sa paglakaw.

2 Samuel 15:1 ပူးပေါင်းရင်းမြစ်များ

2 Samuel 12:11

Isinusumpa kong papalatawon ko an sarong tawo hale sa saimong pamilya tanganing darahan ka nin karatan. Sa atubang mo, kukuahon ko an saimong mga agom dangan itatao ko sinda sa ibang lalaki. Sa liwanag nin aldaw, dodorogan ninda an saimong mga agom.

1 Mga Hade 1:33

nagsabi an hade, “Ipag-iba nindo an sakong mga opisyal; pasakayon nindo an aki kong si Solomon sa sadiri kong mula asin ibahan nindo siya pasiring sa burabod nin Gihon.

1 Mga Hade 1:5

Kan panahon na iyan, si Adonias na an ina iyo si Haggit naghambog na magigin hade siya; nag-andam siya para sa sadiri niya nin mga karwahe, mga nangangabayo, asin singkwentang lalaki na masabay saiya kun siya naglalakaw.

Salmo 20:7

May nagsasarig sa mga karwahe; may nagsasarig sa mga kabayo; alagad nagsasarig kami sa ngaran nin Kagurangnan na samong Dios.

Mga Talinhaga 11:2

Kun minaabot an kapaabaw-abawan, minaabot man an kasosopgan; an kadonongan yaon sa mapakumbaba.

Mga Talinhaga 16:18

An kapaabaw-abawan minabunga nin kapahamakan, asin an kapalangkawan nin pagkahulog.

Mga Talinhaga 17:19

An namomoot sa kasalan namomoot sa pakiiwal, asin an tawong mahambog naghahanap nin kapahamakan.

Deuteronomio 17:16

An hade dai dapat magkaigwa nin dakul na kabayo para sa saiyang hukbo; dai siya dapat magpadara nin mga tawo tanganing magbakal nin mga kabayo sa Egipto, huli ta ipinangalad nin Kagurangnan an pagbalik duman kan saiyang banwaan.

1 Samuel 8:11

Olay niya, “Ini an gigibohon saindo kan saindong hade: kukuahon niya an saindong mga aking lalaki dangan gigibohon na mga soldados; an iba sainda malunad sa saiyang mga karwahe, an iba sa mga kabayo, asin an iba magdadalagan sa enotan kan saiyang mga karwahe.