2 Samuel 14:6 - Marahay na Bareta Biblia

⁶ Igwa ako nin duwang aking lalaki, asin sarong aldaw nag-iwal sinda sa kaomahan; mayo nin siisay man na nakasuhay sainda, asin nagadan kan saro sainda an saiyang tugang.

2 Samuel 14:6 ပူးပေါင်းရင်းမြစ်များ

Genesis 4:8

Dangan sinabihan ni Cain si Abel, “Magduman kita sa kaomahan.” Kan yaon na sinda duman, ginadan ni Cain an saiyang tugang na si Abel.

2 Samuel 13:28

dangan pinagbotan an saiyang mga sorogoon: “Tandaan nindo kun burat na si Amnon; dangan kun sabihan ko kamong, ‘Gadana nindo si Amnon,’ gadanon nindo siya. Dai kamo matakot; ako an bahala. Magmaisog kamo asin dai magduwa-duwa!”

2 Samuel 13:29

Sinunod kan mga sorogoon an pagboot ni Absalom; ginadan ninda si Amnon. Dangan nagtirindog an gabos na aking lalaki kan hade, nagrulunad sa saindang mga mula asin nagdurulag.

2 Samuel 14:5

Hinapot siya kan hade, “Ano an problema mo?” Nagsimbag an babae, “Saro akong balo. Gadan na an sakong agom.

2 Samuel 14:7

Ngunyan, iniiwal ako kan gabos kong kadugo asin hinahagad na itao ko sainda an nakagadan, tanganing gadanon ninda huli sa paggadan niya kan saiyang tugang. Kun gibohon ko iyan, mawawaraan ako nin aking lalaki. Gagadanon ninda an huri kong paglaom, asin an sakong agom mawawaraan nin aking lalaki na mapadagos kan saiyang ngaran.”

Exodo 2:13

Sunod na aldaw, nagbalik siya asin nahiling niyang nag-iiwal an duwang Hebreyo. Hinapot niya an may sala, “Tadaw ta kinukulog mo an kapwa mo Hebreyo?”