2 Samuel 14:32 - Marahay na Bareta Biblia

³² Nagsimbag si Absalom, “Huli ta habo kang magdigdi kan ipaapod taka. Boot kong magduman ka sa hade dangan ihapot mo ako saiya: ‘Tadaw ta binayaan ko an Gesur asin nagdigdi? Mas marahay pang duman sana ako nag-erok.’” Nagpadagos si Absalom, “Boot kong gumibo ka nin paagi tanganing makaatubang ako sa hade, asin kun ako may sala, ipagadan mo ako saiya.”

2 Samuel 14:32 ပူးပေါင်းရင်းမြစ်များ

Genesis 3:12

Nagsimbag an lalaki, “An babaeng itinao mo tanganing magin kaibahan ko iyo an nagtao sako kan bunga, kaya nagkakan ako.”

2 Samuel 13:37

Nagdulag si Absalom asin nagduman sa hade nin Gesur, ki Talmai na aking lalaki ni Amihud; nag-erok siya duman sa laog nin tolong taon. Ipinagmondo ni David si Amnon sa halawig na panahon;

2 Samuel 14:31

Nagduman si Joab sa harong ni Absalom saka nagsabi, “Tadaw ta sinulo kan saimong mga sorogoon an sakong oma?”

Salmo 36:2

Huli ta inoomaw niya an saiyang sadiri; naghohona na dai maaaraman nin Dios an saiyang kasalan asin dai kaoongisan.

Exodo 14:12

Bakong sinabihan mi na ika bago kita naghale na arog kaini an mangyayari? Sinabihan mi ika na dai mo kami pakiaraman asin na pabayaan mo kaming magpadagos sa paglingkod sa mga Egipcio. Mas marahay pang magin oripon kami ninda ki sa magadan digdi sa kalangtadan.”

Exodo 16:3

na an sabi, “Marahay pang ginadan na kami nin Kagurangnan sa Egipto. Duman nakakatukaw pa kami, nakakakakan nin karne asin kan gabos ming magustohan. Alagad dinara mo kami digdi sa kalangtadan tanganing magadan sa gutom.”

Exodo 17:3

Alagad paha nang marahay an mga tawo asin padagos sa pagreklamo ki Moises. Olay ninda, “Tadaw ta ilinuwas mo kami sa Egipto? Tanganing gadanon kami sa paha sagkod an samong mga aki asin mga hayop?”

Mga Talinhaga 28:13

An nagtatago kan saiyang mga kasalan dai nag-uuswag, alagad an nagkukumpisal saka nagbabaya kaiyan maheherakan nin Dios.

Jeremias 8:12

Banwaan ko, nasopog daw kamo kan gibohon nindo an makauuyam na mga bagay na ini? Dai nanggad kamo nasopog; dai na ngani kamo namumula sa pagkasopog! Kaya mabagsak kamo arog kan iba; iyan an magigin kataposan nindo kun padusahan ko na kamo. Ako, an Kagurangnan, an nagtaram.

Mateo 25:44

Dangan masimbag man sinda saiya, ‘Kagurangnan, kasuarin mi ika nahiling na nagutom o napaha, dayuhan o huba, naghelang o nabilanggo alagad dai mi ika pinaglingkodan?’

Roma 3:19

Ngunyan aram tang an nasasabi sa Katogonan gabos ipinapanongod sa mga tawong nasasakopan kan Katogonan, tanganing mayo nanggad nin dahelan an siisay man, asin tanganing an bilog na kinaban iatubang sa paghukom nin Dios.

1 Samuel 15:13

Dinuman ni Samuel si Saul na nagsabi saiya, “Bendisyonan ka logod nin Kagurangnan, Samuel! Kinuyog ko an kabotan nin Kagurangnan.”

1 Samuel 20:8

Kaya nakikimaherak ako saimo, na otobon mo an banal mong panuga sako. Alagad kun igwa akong kasalan, ika na mismo an gumadan sako! Tano ta kaipuhan pang darahon mo ako sa saimong ama?”