2 Samuel 14:28 - Marahay na Bareta Biblia

²⁸ Nag-erok si Absalom sa Jerusalem sa laog nin duwang taon na dai man lamang nag-atubang sa hade.

2 Samuel 14:28 ပူးပေါင်းရင်းမြစ်များ

Genesis 33:10

Nagsimbag si Jacob, “Bakong siring kaiyan; kun talagang marahay na an boot mo sako, akoon mo an sakong regalo. Huli ta, kan mahiling ko an lalawogon mo, garo man sanang nahiling ko an lalawogon nin Dios, orog na ngunyan na inako mo ako sa marahay na boot.

Genesis 43:3

Nagsimbag si Juda, “Pinatanidan nanggad kami kan lalaki na dai niya kami aatubangon sagkod na dai mi kaiba an samong tugang.

2 Samuel 14:24

Alagad nagboot an hade na dai mag-erok si Absalom sa palasyo. Nagsabi an hade, “Habo kong mahiling siya.” Kaya nag-erok si Absalom sa sadiri niyang harong asin dai nag-atubang sa hade.

2 Samuel 14:29

Dangan ipinaapod ni Absalom si Joab tanganing pakiolayan na magduman sa hade para saiya; alagad dai nagduman si Joab. Ipinaapod giraray ni Absalom si Joab, alagad dai man giraray ini nagduman.

1 Mga Hade 1:53

Dangan nagsugo si Hadeng Solomon asin ibinaba ninda si Adonias hale sa altar. Nagdolok sa hade si Adonias saka duminuko sa atubangan niya. Sinabihan siya kan hade, “Pwede ka nang magpuli.”

1 Mga Hade 2:36

Dangan ipinaapod kan hade si Simei asin sinabihan, “Magtugdok ka nin harong digdi sa Jerusalem. Mag-erok ka digdi asin dai ka nanggad maghale sa syudad.

Mateo 18:10

“Dai nanggad nindo pagbasang-basangon an arin man sa mga saradit na ini. Sinasabihan ko kamo, an saindang mga anghel sa langit danay na nasa atubang kan sakong Ama sa langit.