2 Samuel 14:26 - Marahay na Bareta Biblia

²⁶ Mahibog nin marahay an saiyang buhok, asin kaipuhan na putolan niya ini taon-taon, kun halaba asin magabat na nin marahay. Minasobra sa duwang kilo an timbang kan saiyang pinutol na buhok, sosog sa timbangan kan hade.

2 Samuel 14:26 ပူးပေါင်းရင်းမြစ်များ

Genesis 23:16

Nag-oyon si Abraham kaya tinimbang niya an halagang sinambit ni Efron sa atubang kan mga tawo—kwatro syentos na pedasong plata, sosog sa kinaugalean na timbang na ginagamit kan mga negosyante.

2 Samuel 18:9

Nasabat ni Absalom an nagkapirang tawohan ni David. Nakalunad siya sa sarong mula asin kan magsurok an mula sa irarom kan mahibog na mga sanga kan hamurawon na kahoy, nakasabit an saiyang payo sa mga sanga. Nagpadagos an mula sa pagdalagan kaya nawalat na nakabitay si Absalom.

Isaias 3:24

Alagad embes na mamarong nin pahamot, magigin mabata sinda; embes na sarong paha, lubid an gagamiton ninda; embes na marahay na pakasukray na buhok, payo na mayong buhok; embes na sarong magayon na gubing, trapo an igugubing ninda; embes na kagayonan, kasosopgan!

Ezekiel 44:20

“An mga padi kaipuhan dai mag-aris kan saindang buhok sa payo, ni magpahalaba kaiyan; puputolon ninda iyan sa tamang laba.

Levitico 19:36

Gamiton nindo an tamang sukol, tamang timbang asin tamang bilang. Ako an Kagurangnan na saindong Dios na nagluwas saindo hale sa Egipto.

1 Corinto 11:14

Bakong an naturalesa an nagtutukdo saindo na makasosopog para sa lalaki na magpahalaba nin buhok?