2 Samuel 14:25 - Marahay na Bareta Biblia

²⁵ Mayo nin siisay man sa Israel na bantog sa kagwapohan ki sa ki Absalom; mayo siya nin kaninan magpoon sa bitis sagkod sa payo.

2 Samuel 14:25 ပူးပေါင်းရင်းမြစ်များ

1 Mga Hade 1:6

Sa bilog na buhay niya dai pa lamang siya sinagwe ni David na saiyang ama, o hinapot lamang nin, “Tano ta ginibo mo ini?” Gwapo siyang marahay asin ngohod siya ki Absalom.

An Libro ni Job 2:7

Kaya naghale si Satanas sa atubang nin Kagurangnan asin pinano niya nin mga gatok an bilog na hawak ni Job.

Mga Talinhaga 31:30

Madaya an karinyo asin nawawara an gayon, alagad an babae na may pagkatakot sa Kagurangnan dapat na omawon.

Isaias 1:6

Magpoon sa bitis sagkod sa payo, mayo nin kaginhawahan, kundi mga bakros saka mga gatok asin nagdudugong mga lugad; dai nagkahurugasan o nabugkosan, o nalahidan nin lana.

Daniel 1:4

Kaipuhan na gwapo an mga ini, madonong, may pakasabot, madaling makanood, asin mayo nin kaninan, tanganing maninigo sindang maglingkod sa palasyo. Si Aspenaz iyo an matukdo sainda sa pagbasa asin sa pagsurat kan lengwahe kan mga taga Babilonia.

Mateo 23:27

“Herak man saindo, mga paratukdo kan Katogonan asin mga Fariseo! Mga parasagin-sagin! Kaagid kamo kan pinagayon na mga pantyon na malinig paghilingon sa luwas, alagad sa laog pano nin mga tolang asin nin manlaen-laen na ati.

Efeso 5:27

Ginibo niya ini nganing iatubang niya sa sadiri niya an simbahan na magayon, banal, mayo nin kaninan, mayong digta o kurundot o anoman na arog kaiyan.

Deuteronomio 28:35

Papanoon nin Kagurangnan an saindong mga bitis nin makukulog asin dai nabobolong na gatok; mapapano nin gatok an saindong hawak, magpoon sa bitis sagkod sa payo.

1 Samuel 16:7

Alagad tinaraman siya nin Kagurangnan, “Dai ka maghiling sa saiyang pagkanigwapo o pagkanihalangkaw, huli ta hinaboan ko siya. Dai ako naghuhukom siring sa paghukom nin tawo. Hinihiling nin tawo an panluwas na porma, alagad an hinihiling ko iyo an puso.”

1 Samuel 9:2

Igwa si Kis nin aking lalaki na an ngaran Saul, sarong gwapong lalaki. Siya an pinakagwapo asin pinakahalangkaw na lalaki sa bilog na Israel.