2 Samuel 14:19 - Marahay na Bareta Biblia

¹⁹ “Bakong si Joab an nagpasunod saimo kaini?” an hapot ni David. Nagsimbag an babae, “Mantang buhay ka, sakong namomotan na hade, isinusumpa ko na mayo nin paagi na malikayan an pagsimbag kan saimong hapot. Si Joab mananggad an nagtukdo sako kan sakong gigibohon asin sasabihon.

2 Samuel 14:19 ပူးပေါင်းရင်းမြစ်များ

2 Samuel 11:11

Nagsimbag si Urias, “Nasa gera an kalalakihan nin Israel saka Juda, asin an Kaban nin Tipan yaon sa kaibahan ninda; an sakong pamayo na si Joab, siring man an saiyang mga opisyal nagkakampo sa kahiwasan. Mapuli daw ako sa sakong harong tanganing magkakan, mag-inom, asin magdorog sa sakong agom? Sa ngaran kan gabos na banal, isinusumpa ko na dai ko iyan magigibo!”

2 Samuel 14:18

Nagsimbag an hade, “Simbagon mo nin totoo an ihahapot ko saimo.” “Hapota ako nin maski ano, mahal na hade,” an simbag kan babae.

2 Samuel 14:3

dangan magduman ka sa hade, asin sabihan mo siya kan sasabihon ko saimo.” Dangan sinabihan siya ni Joab kan saiyang sasabihon.

2 Samuel 18:13

Alagad kun linapas ko an hade asin ginadan si Absalom, maaaraman man sana iyan kan hade, huli ta naaaraman niya an gabos, asin pababayaan mo man sana ako.”

2 Samuel 3:27

Pag-abot ni Abner sa Hebron, isiniblag siya ni Joab sa may trangkahan, na garo boot kaolayon sa hilom, asin duman binuno siya ni Joab sa tulak. Kaya ginadan si Abner huli ta ginadan niya an tugang ni Joab na si Asahel.

2 Samuel 3:29

Humugpa logod an padusa ki Joab asin sa bilog niyang pamilya! Sa lambang henerasyon nin saiyang pamilya, magkaigwa logod nin may helang na turo o daot o magkaigwa nin bakla o magadan sa ralaban o mayong kinakakan!”

2 Samuel 3:34

An saiyang mga kamot dai nagakodan, asin an saiyang mga bitis dai nagapos; nagadan siyang siring sa sarong ginadan nin mga kriminal!” Asin nagtangis giraray an mga tawo para saiya.

2 Mga Hade 2:2

asin sa dalan nagsabi si Elias ki Eliseo, “Magpawalat ka digdi, huli ta pinagbotan ako nin Kagurangnan na magduman sa Betel.” Alagad nagsimbag si Eliseo, “Minasumpa ako huli sa sakong kaimbodan sa buhay na Kagurangnan asin sa saimo, na dai taka babayaan.” Kaya nagpadagos sindang duwa sa Betel.

Exodo 4:15

Kaolayon mo siya asin sabihan mo kan dapat niyang itaram. Pareho ko kamong tatabangan sa pagtaram asin tutukdoan kan saindong gigibohon.

Mga Talinhaga 25:2

An kamurawayan nin Dios yaon sa pagtago nin mga bagay, alagad an kamurawayan nin mga hade yaon sa pagsiyasat kaiyan.

Mga Talinhaga 4:27

Likayan mo an karatan asin magpadagos ka sa matanos na paglakaw. Dai ka magliko sa wala o sa too.

Mga Bilang 20:17

Tugote kaming mag-agi sa saimong daga. Dai kami maagi sa kaomahan, ni sa mga ubasan. Dai man kami mainom kan tubig sa saimong mga bubon. Maagi nanggad sana kami sa Tinampo kan Hade sagkod na makaluwas kami sa saimong teritoryo.”

Lukas 21:15

huli ta tatawan ko kamo nin mga tataramon asin kadonongan, na dai masusudya o masisimbag kan saindong mga kaiwal.

Deuteronomio 28:14

Dai nanggad kamo maglapas kan arin man sa mga sinabi ko ngunyan na aldaw, o magsamba saka maglingkod sa mga dios-dios.

Deuteronomio 5:32

“Banwaan nin Israel, otobon nanggad nindo an gabos na ipinagboot saindo nin Kagurangnan na saindong Dios. Dai kamo maglapas kan arin man sa saiyang mga togon.

Josue 1:7

Magmaisog ka sana asin pakosoga an saimong boot; kuyogon mo nanggad an gabos na togon na itinao saimo kan sakong sorogoon na si Moises. Dai ka magsuhay kan arin man kaiyan asin magigin marahay an saimong buhay maski saen ka magduman.

1 Samuel 1:26

Sinabihan ni Hanna si Eli, “Kun saimong nagigiromdoman, ako idtong babae na nahiling mong nagtitindog digdi na namimibi sa Kagurangnan.

1 Samuel 17:55

Kan mahiling ni Saul si David na nagluwas tanganing labanan si Goliat, naghapot siya ki Abner, an pamayo kan saiyang hukbo, “Abner, kiisay siyang aki?” Nagsimbag si Abner, “Dai ko aram, Mahal na Hade.”

1 Samuel 20:3

Alagad nagsimbag si David, “Aram kan saimong ama na nawiwilihan mo ako nin marahay, kaya naisip niyang dai ipaaram saimo an saiyang kaisipan tanganing dai ka mamondo. Alagad minasumpa ako saimo, sa ngaran kan buhay na Kagurangnan, na saro na sanang lakad an nasa pagultanan ko asin an kagadanan!”

1 Samuel 25:26

An Kagurangnan an nagpugol saimo tanganing dai mo mabalos asin magadan an saimong mga kaiwal. Minasumpa ako saimo sa ngaran kan buhay na Kagurangnan na papadusahan an saimong mga kaiwal asin an gabos na nagmamawot na darahan ka nin karatan arog ki Nabal.