2 Samuel 13:39 - Marahay na Bareta Biblia

³⁹ alagad kan matapos na an saiyang pagmondo sa pagkagadan ni Amnon, nagin labi-labi an pagkapungaw niya na mahiling an aki niyang lalaki na si Absalom.

2 Samuel 13:39 ပူးပေါင်းရင်းမြစ်များ

Genesis 24:67

Dangan dinara ni Isaac si Rebecca sa tolda na pinag-erokan kaidto ni Sara na saiyang ina asin nagin niyang agom si Rebecca. Namotan niya si Rebecca na nagin karangahan niya sa pakagadan kan saiyang ina.

Genesis 31:30

Aram kong naghale ka huli ta gusto mong makapuli sa saindo, alagad tano ta hinabon mo an sakong mga dios-dios?”

Genesis 37:35

Dinalaw si Jacob kan gabos niyang aking lalaki asin babae tanganing rangahon, alagad padagos siyang nagmondo. Olay niya, “Magagadan akong nagmomondo para sa sakong aki.” Siring kaiyan an pagmondo ni Jacob para ki Jose.

Genesis 38:12

Dai nahaloy nagadan an agom ni Juda. Kan matapos na an panahon kan pagmondo, si Juda, kaiba an amigo niyang si Hira na Adullamita, nagduman sa Timna sa lugar na pinagguguntingan kan saiyang mga karnero.

2 Samuel 14:1

Nahiling ni Joab na napupungaw nin marahay si David ki Absalom,

Salmo 119:20

An sakong puso pano nin kapungawan para sa saimong mga pagboot sa gabos na panahon.

Salmo 84:2

An sakong kalag napupungaw asin naghihidaw sa mga patyo nin Kagurangnan. An sakong puso asin hawak nag-aawit sa kaogmahan sa Dios na buhay.

Deuteronomio 28:32

Sa atubang nindo, itatao sa mga dayuhan an saindong mga aking lalaki saka babae, alagad mayo kamong magiginibo tanganing tabangan sinda. Aroaldaw mapapagal an saindong mga mata sa paghalat sainda alagad dai sinda mabalik.

Filipos 2:26

Kanigoan an saiyang pagmawot na mahiling kamo gabos. Napurisaw an saiyang isip huli ta naaraman nindo na naghelang siya.