2 Samuel 13:19 - Marahay na Bareta Biblia

¹⁹ Nagbugtak siya nin abo sa saiyang payo, ginisi an saiyang halabang gubing, dangan naglakaw na naghihibi mantang tinatahoban kan mga kamot an saiyang lalawogon.

2 Samuel 13:19 ပူးပေါင်းရင်းမြစ်များ

Genesis 37:29

Kan balikan ni Ruben an bubon asin nahiling na mayo na duman si Jose, ginisi niya an saiyang gubing sa kamondoan.

2 Samuel 1:11

Sa kamondoan, ginisi ni David an saiyang gubing; siring man an ginibo kan saiyang mga tawohan.

2 Samuel 1:2

Sunod na aldaw, uminabot an sarong hoben na lalaki hale sa kampo ni Saul. Sa pagpahiling kan saiyang kamondoan, ginisi niya an saiyang gubing asin binugtakan nin daga an saiyang payo. Nagdolok siya ki David asin nagdapa sa pagtaong galang.

2 Samuel 13:20

Kan mahiling siya kan tugang niyang si Absalom, hinapot siya, “Kinulogan ka ni Amnon? Tugang ko, dai mo dapat ipagkulog nin boot an bagay na ini; tugang mo siya sa ama, kaya dai ka na mag-osip sa kiisay pa man.” Kaya nag-erok si Tamar sa harong ni Absalom na saiyang tugang, namomondo asin napupungaw.

Esther 4:1

Kan naaraman ni Mardokeo an gabos na ini, ginisi niya an saiyang gubing huli sa kamondoan. Nagsulot siya nin sako, nagbugtak nin abo sa payo, asin naglibot sa syudad. Makosog siyang naghaya saka mapait na nagtangis,

An Libro ni Job 2:12

Harayo pa sinda, nahiling na ninda si Job, alagad dai ninda namidbidan. Kan mamidbid na ninda siya, naghiribi asin nagharaya sinda. Ginirisi ninda an saindang gubing sa kamondoan dangan nagpatoron nin alpog sa itaas saka sa saindang payo.

An Libro ni Job 42:6

Kaya nasosopog ako huli kan gabos kong sinabi asin nagsosolsol ako sa alpog saka sa abo.”

Jeremias 2:37

An Egipto babayaan mo na nakaduko an saimong payo huli sa sopog. Ako, an Kagurangnan, an nagsikwal kan mga sinasarigan mo; dai kang papakinabangon sainda.”

Josue 7:6

Sa dakulang kamondoan ginisi ni Josue asin kan mga lider nin Israel an saindang mga gubing. Nagdapa sinda sa daga sa atubangan kan Kaban nin Tipan nin Kagurangnan sagkod sa banggi asin binugtakan ninda nin abo an saindang payo.

1 Samuel 4:12

Sarong lalaki na gikan sa tribu ni Benjamin an nagdalagan hale sa lugar nin ralaban asin nakaabot sa Shilo kan aldaw man sanang idto. Ginirisi niya an saiyang gubing asin binugtakan nin daga an saiyang payo sa pagpahiling kan saiyang kamondoan.