2 Samuel 12:31 - Marahay na Bareta Biblia

³¹ Pinatrabaho niya an mga tawong taga Rabba na gamit an mga lagadi, mga piko, saka mga patok, asin pinirit sindang maggibo nin mga ladrilyo; iyo man an ginibo ni David sa mga tawo kan ibang mga banwa nin Ammon. Dangan nagbalik sa Jerusalem si David saka an saiyang mga tawohan.

2 Samuel 12:31 ပူးပေါင်းရင်းမြစ်များ

2 Samuel 8:2

Dinaog man niya an mga Moabita; pinahigda niya an mga ini sa daga asin ginadan an duwa sa lambang tolo sa sainda. Kaya an mga Moabita nagin mga sorogoon ni David asin nagbayad sinda saiya nin buhis.

1 Mga Cronica 20:2

An dios-dios kan mga Ammonita na si Molek igwa nin bulawan na korona na an timbang minaabot sa treynta y kwatro kilos. Igwa ini nin tampok na mahalagang bato, na kinua ni David asin ibinugtak sa saiyang korona. Kinua man niya an dakulang halaga nin sinamsam hale sa syudad.

1 Mga Cronica 20:3

Pinatrabaho niya an mga tawong taga Rabba na gamit an mga lagadi, mga piko saka mga patok. Iyo man an ginibo niya sa mga tawo kan ibang mga banwa nin Ammon. Dangan nagbalik sa Jerusalem si David saka an saiyang mga tawohan.

Jeremias 43:9

“Kumua ka nin nagkapirang darakulang gapo saka ilubong mo sa palitada na nasa agihan palaog sa palasyo kan hade sa Tafanhes; gibohon mo iyan na nahihiling ka kan mga Israelita.

Amos 1:13

Nagtataram an Kagurangnan, “Paulit-ulit na nagkasala an mga taga Ammon, asin huli kaiyan, papadusahan ko sinda. Sa saindang pakigera tanganing mapadakula an saindang teritoryo, linaslas ninda an tulak kan mga babaeng bados sa Gilead,

Amos 1:14

kaya papadarahan ko nin kalayo an mga kudal kan syudad nin Rabba asin susuloon ko an mga bantayan kaiyan. Dangan magkakaigwa nin kinurahaw sa aldaw nin gera, asin an ralaban magigin mangirhat siring sa sarong bagyo.

Amos 1:3

Nagtataram an Kagurangnan, “Paulit-ulit na nagkasala an mga taga Damasco, asin huli kaiyan, papadusahan ko sinda. An mga taga Gilead pinasakitan ninda nin makuri.

Hebreyo 11:37

Ginapo sinda, binaak nin lagadi an saindang hawak, o ginadan sa espada. May naglagaw-lagaw na nakagubing kan anit nin karnero saka kanding—dukha, pinasakitan, saka inapi.

Josue 10:15

Pakatapos kaini, nagbalik si Josue asin an saiyang bilog na hukbo sa kampo duman sa Gilgal.