2 Samuel 12:17 - Marahay na Bareta Biblia

¹⁷ Nagduman ki David an mga opisyal kan palasyo tanganing pabangonon siya, alagad nagsayuma siya asin habo man niyang maghampang sainda sa pagkakan.

2 Samuel 12:17 ပူးပေါင်းရင်းမြစ်များ

Genesis 24:2

Sinabihan niya an pinakagurang niyang oripon na namamahala kan gabos niyang rogaring, “Ibugtak mo an saimong kamot sa pagultanan kan sakong mga hita asin magsumpa ka.

Genesis 37:35

Dinalaw si Jacob kan gabos niyang aking lalaki asin babae tanganing rangahon, alagad padagos siyang nagmondo. Olay niya, “Magagadan akong nagmomondo para sa sakong aki.” Siring kaiyan an pagmondo ni Jacob para ki Jose.

2 Samuel 12:18

Pakalihis nin sarong semana, nagadan an aki; natakot na magsabi ki David an saiyang mga opisyal. Olay ninda, “Kan buhay pa an aki, nakiolay kita ki David alagad dai niya kita dinangog; paano an gigibohon tang pagsabi saiya na gadan na an aki? Tibaad kun ano pa an saiyang gibohon sa saiyang sadiri!”

2 Samuel 3:35

Bilog na aldaw na hiningowa kan mga tawo na magkakan si David, alagad nagsumpa siya, “Gadanon logod ako nin Dios kun magkakan ako nin anoman bago magsolnop an aldaw!”

Salmo 102:4

Siring sa doot, naroronot an puso ko asin naaalang; nawawaraan ako nin gana na magkakan.

Daniel 6:18

Pakatapos, nagpuli sa saiyang palasyo an hade asin dai ini nakatorog sa bilog na mag-aga; dai man siya nagkakan o nag-ogma.

1 Samuel 28:23

Nagsayuma si Saul asin nagsabing habo siyang magkakan. Alagad pinirit siya kan saiyang mga opisyal saka kan babae sagkod na mapiritan siya. Nagtindog siya, asin nagtukaw sa higdaan.