2 Samuel 12:14 - Marahay na Bareta Biblia

¹⁴ “Alagad nin huli ta sa gaweng ini ipinahiling mo an pagkaongis sa Kagurangnan, magagadan an saimong aki.”

2 Samuel 12:14 ပူးပေါင်းရင်းမြစ်များ

2 Samuel 12:15

Dangan nagpuli si Natan sa saiyang harong. Pinahelang nin Kagurangnan an aki ni Batsheba ki David.

Nehemias 5:9

Dangan nagtaram ako, “Bakong marahay an ginigibo nindo. Dapat magkaigwa kamo nin pagkatakot sa Dios asin gibohon an matanos tanganing dai kita pagtuyatuyaon kan satong mga kaiwal na nasyon.

Salmo 69:6

Dai man logod mapasopog huli sako an mga naglalaom saimo, O Kagurangnan, Dios nin mga hukbo! Dai man logod madisonra huli sako an mga naghahanap saimo, O Dios nin Israel!

Salmo 74:10

Sagkod nuarin, O Dios, magtutuya-tuya an kaiwal? Mag-oolog-olog daw sinda sagkod lamang kan saimong ngaran?

Salmo 94:12

Paladan an tawo na sinasagwe mo, Kagurangnan, an tinutukdoan mo kan saimong togon!

Salmo 99:8

Kagurangnan nyamong Dios, sinimbag mo sinda; para sainda ika an Dios na nagpapatawad, alagad nagpapadusa kan saindang mga maraot na gawe.

Isaias 52:5

Arog man kaiyan an nangyari saindo sa Babilonia; sinakop kamo saka dai binayadan. Nag-orgulyo saka nagpaabaw-abaw an mga namamayo saindo asin danay na ipinahiling ninda an pag-olog-olog sako.

Amos 3:2

“Sa gabos na nasyon sa daga, ika sana an pinili ko asin inataman. Iyan an dahelan kun tadaw ta orog na minagabat an saimong mga kasalan, asin kun tano ta kaipuhan padusahan taka.”

Mateo 18:7

Herak man sa kinaban huli sa mga nakakapakasala sa mga tawo! Kaipuhan nanggad na mag-abot an mga pagsugot, alagad herak man sa tawong nagigin dahelan nin pagkasala!

Roma 2:24

Nasasabi sa kasuratan, “Dahel saindong mga Judio, an Dios pinapakaraot kan mga pagano.”

1 Corinto 11:32

Alagad hinuhukoman kita saka pinapadusahan nin Kagurangnan bilang paglinig sato, tanganing dai kita padusahan kaiba kan kinaban.

Hebreyo 12:6

Huli ta dinidisiplina nin Kagurangnan an namomotan niya, pinapakol an siisay man na inaako niya bilang aki.”

Kapahayagan 3:19

Sinasagwe ko saka dinidisiplina an gabos kong namomotan. Kaya magmaigot asin magbakle ka.