2 Samuel 12:10 - Marahay na Bareta Biblia

¹⁰ Kaya magpoon ngunyan, magagadan sa dahas an nagkapira sa saimong kapagarakian sa lambang henerasyon, huli ta tinalikodan mo ako asin saimong kinua an agom ni Urias na Heteo.

2 Samuel 12:10 ပူးပေါင်းရင်းမြစ်များ

Genesis 20:3

Sarong banggi, nagpahiling an Dios ki Abimelek sa pangatorogan asin nagtaram, “Magagadan ka huli ta kinua mo an babaeng ini na may agom.”

2 Samuel 18:33

Inabotan nin makuring kamondoan an hade. Nagsakat siya sa kwartong nasa itaas kan trangkahan asin naghibi. Mantang naglalakaw siya, nasasambit niya an, “O aki ko! Aki kong Absalom, aki ko! Ako na kuta an nagadan embes na ika, aki ko! Absalom, aki ko!”

1 Mga Hade 15:5

Ginibo ini nin Kagurangnan huli ta ginibo ni David an nakawili saiya asin dai nanggad si David naglapas kan arin man kan mga kabotan niya, pwera kan manongod sa kaso ni Urias na Heteo.

Mga Talinhaga 17:13

Kun karatan an ibabalos nin sarong tawo sa karahayan, an karatan dai mahahale sa saiyang harong.

Amos 7:9

Mararaot an mga lugar na pinagsasambahan kan kapagarakian ni Isaac. Magkakagaraba an mga banal na lugar nin Israel. Tataposon ko an paghahade kan lahi ni Hadeng Jeroboam.”

Mga Bilang 11:20

kundi para sa sambulan, sagkod na magluwas iyan sa saindang dungo dangan mauyam sinda. Ini an mangyayari huli ta isinikwal ninda ako na kaiba ninda asin nagsabi sinda na marahay pang dai na sinda naghale sa Egipto.”

Mateo 26:52

Sinabihan siya ni Jesus, “Sarongan an espada mo, huli ta an minagamit nin espada, magagadan sa espada.

Mateo 6:24

“Mayong makakapaglingkod sa duwang kagurangnan, huli ta ikakaongis niya an saro asin mamomotan an saro; magigin maimbod siya sa saro asin pag-oolog-ologon an saro. Dai kamo makakapaglingkod sa Dios asin sa kayamanan.

Roma 2:4

O tibaad hinahaboan mo an saiyang dakulang pagkamaboot, pagkamatinios asin pagkapasensyoso? Dai mo aram na maboot siya saimo huli ta boot ka niyang magbakle?

1 Tesalonica 4:8

Kaya an siisay man na minasikwal kan katukdoan na ini, minasikwal bakong sa tawo kundi sa Dios na iyo an nagtao saindo kan saiyang Espiritu Santo.

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.