2 Samuel 11:6 - Marahay na Bareta Biblia

⁶ Huli kaini, nagpadara si David nin mensahe ki Joab: “Padigdiha sako si Urias na Heteo.” Kaya pinaduman ni Joab si Urias ki David.

2 Samuel 11:6 ပူးပေါင်းရင်းမြစ်များ

Genesis 4:7

Kun tama an ginibo mo, inako ko kuta an dolot mo alagad nin huli ta maraot an ginibo mo, an kasalan naghihipa sa saimong pintoan. Gusto kang paghadean kaiyan, alagad kaipuhan daogon mo.”

2 Samuel 11:5

Nagbados si Batsheba, kaya ipinaaram niya ini ki David.

2 Samuel 11:7

Pag-abot ni Urias, hinapot siya ni David, “Komusta an kamugtakan ni Joab asin kan hukbo? Ano ngunyan an nangyayari sa ralaban?”

Mga Talinhaga 28:13

An nagtatago kan saiyang mga kasalan dai nag-uuswag, alagad an nagkukumpisal saka nagbabaya kaiyan maheherakan nin Dios.

Isaias 29:13

Nagtaram an Kagurangnan, “An mga tawong ini nagsasabi na nagdodolok sinda sako asin inoomaw ninda ako, alagad an saindang puso harayo sako. An relihiyon ninda gabos sana mga pagsusundon saka mga tradisyon nin tawo na tinoom ninda.

Mateo 26:70

Alagad pinagnegaran ini ni Pedro sa atubangan kan gabos, “Dai ko aram an pinagsasabi mo.”

Mateo 26:72

Pinagnegaran ini liwat ni Pedro na nagsusumpa, “Dai ko nanggad midbid an tawong iyan!”

Mateo 26:74

Dangan nagsimbag si Pedro, “Magadan man ako, talagang dai ko midbid an tawong iyan!” Pakataram niya kaini, nagturaok an manok.

1 Samuel 15:30

“Nagkasala ako,” an simbag ni Saul. “Maski siring, pahilingan man giraray sa mga lider kan sakong banwaan asin sa bilog na Israel na ginagalangan mo ako. Mag-iba ka sako tanganing makapagsamba ako sa Kagurangnan na saimong Dios.”