2 Samuel 11:15 - Marahay na Bareta Biblia

¹⁵ An sabi niya sa surat: “Bugtakan si Urias sa enotan, sa lugar na makuri an ralaban, dangan dulagan mo siya asin pabayaan na magadan.”

2 Samuel 11:15 ပူးပေါင်းရင်းမြစ်များ

2 Samuel 11:16

Kaya mantang sinasalakay ni Joab an syudad, ipinadara niya si Urias sa sarong lugar na aram niyang makosog an mga kaiwal.

2 Samuel 11:17

Nagluwas an mga kaiwal sa syudad asin linabanan an mga tawohan ni Joab; nagkagaradan an ibang mga opisyal ni David. Nagadan man si Urias na Heteo.

2 Samuel 12:9

Tadaw ta sinuhay mo an sakong mga pagboot? Tadaw ta ginibo mo an karatan na ini? Ipinagadan mo sa ralaban si Urias na Heteo; pinabayaan mo siyang magadan kan mga Ammonita dangan kinua mo an saiyang agom!

1 Mga Hade 15:5

Ginibo ini nin Kagurangnan huli ta ginibo ni David an nakawili saiya asin dai nanggad si David naglapas kan arin man kan mga kabotan niya, pwera kan manongod sa kaso ni Urias na Heteo.

Salmo 51:14

Ligtasan ako, O Dios, sa kagadanan, ika na Dios nin sakuyang kaligtasan, asin an sakong dila mag-aawit kan saimong katanosan.

Salmo 51:4

Tumang saimo, sa saimo sana, nagkasala ako. Ginibo ko an maraot sa atubang mo. Kaya matanos ka sa paghukom sako; dai nasasala sa pagpadusa sako.

Parahulit 8:11

An mga tawo andam sa paggibo nin karatan, huli ta an krimen dai tolos pinapadusahan.

Jeremias 17:9

“Siisay an makakasabot kan puso nin tawo? Mayo nin ibang arog kaiyan kadaya; grabe na an helang kaiyan asin dai na maoomayan.

Jeremias 20:13

Awitan nindo an Kagurangnan! Omawon nindo an Kagurangnan! Iliniligtas niya an mga api sa kamot kan mga maraot na tawo.

1 Samuel 18:17

Dangan nagsabi si Saul ki David, “Uya an matua kong aking babae na si Merab. Itatao ko siya saimo bilang agom bastang paglingkodan mo ako bilang sarong maisog asin maimbod na soldados, saka ipaglalaban mo an mga gera nin Kagurangnan.” (Nagsaboot si Saul na sa paaging ini, magagadan si David sa kamot kan mga Filisteo, asin dai na niya kaipuhan na gibohon pa iyan.)

1 Samuel 18:21

Nagsaboot si Saul, “Itatao ko si Mical ki David; siya an gagamiton ko sa pagsiod ki David, tanganing magadan si David kan mga Filisteo. Kaya sa ikaduwang beses, sinabihan ni Saul si David. “Magigin manugang taka.”

1 Samuel 18:25

Pinagbotan sinda ni Saul na sabihan si David, “Dai man nagmamawot nin dote sa kasal an hade; an boot sana niya iyo an sanggatos na kaputol na kublit kan kinabuhay kan mga Filisteo, tanganing makabalos siya sa saiyang mga kaiwal.” (Iyo ini an plano ni Saul tanganing magadan si David kan mga Filisteo.)