2 Samuel 11:1 - Marahay na Bareta Biblia

¹ Pakatapos kan tig-lipot na iyo an panahon na ipinagduduman sa gera kan mga hade. Sa panahon na iyan, pinalakaw ni David si Joab kaiba an saiyang mga opisyal asin an hukbo nin Israel; dinaog ninda an mga Ammonita asin pinalibotan an syudad nin Rabba. Alagad nagpawalat si David sa Jerusalem.

2 Samuel 11:1 ပူးပေါင်းရင်းမြစ်များ

2 Samuel 10:14

Kan nahiling kan mga Ammonita na nagdurulag an mga Siro, nagdurulag man sinda ki Abisai asin naglaog sa saindang syudad. Kaya nag-ontok si Joab sa pakikilaban sa mga Ammonita asin nagbalik sa Jerusalem.

1 Mga Hade 20:22

Nagduman ki Hadeng Ahab an propeta saka nagsabi, “Bumalik ka, dugangan mo an saimong mga tawohan asin maingat mong planohon an saimong mga gigibohon huli ta pakalihis kan taon, masalakay giraray an hade nin Siria.”

1 Mga Hade 20:26

Pakalihis kan taon, tinipon niya an saiyang mga tawohan asin nagpasiring sinda sa Afek tanganing labanan an Israel.

1 Mga Cronica 20:1

Pakatapos kan tiglipot na iyo an panahon na ipinagduduman sa gera kan mga hade, pinamayohan ni Joab an hukbo asin sinalakay an daga nin Ammon; alagad nagpawalat si David sa Jerusalem. Pinalibotan ninda an syudad nin Rabba, sinalakay asin rinaot.

2 Mga Cronica 36:10

Kan magpoon na an tig-init, binihag ni Hadeng Nebukadnezzar si Jehoiakin asin dinara sa Babilonia, kaiba an mga kayamanan sa Templo nin Kagurangnan. Dangan si Zedekias, na tiyo ni Jehoiakin, iyo an ginibo ni Nebukadnezzar na hade nin Juda saka Jerusalem.

Salmo 60:9

Siisay an madara sako sa pinapusog na syudad? Siisay an magiya sako pasiring sa Edom?

Parahulit 3:8

panahon nin pagkamoot, asin panahon nin pagkaongis; panahon nin gera, asin panahon nin katoninongan.

Jeremias 49:2

Alagad maabot an panahon na an tingog nin gera ipapadangog ko sa mga tawong nag-eerok sa pangenot na syudad nin Rabba. An syudad na iyan marurumpag asin susuloon an mga baryo kaiyan. Dangan makukua giraray kan Israel an dagang inagaw saiya.

Jeremias 49:3

Magtangis kamo, mga taga Hesbon, huli ta rinaot na an Ai! Magmondo kamo, kababaehan nin Rabba! Magsulot kamo nin sako asin manambitan. Magdaralagan kamo sa karibongan. Bibihagon an saindong dios-dios na si Milcom, kaiba an saiyang mga padi saka mga prinsipe.

Ezekiel 21:20

An saro matukdo sa hade kan dalan pasiring sa Rabba, an syudad kan mga Ammonita, asin an saro pasiring sa Juda, sa pinapusog na syudad nin Jerusalem.

Amos 1:14

kaya papadarahan ko nin kalayo an mga kudal kan syudad nin Rabba asin susuloon ko an mga bantayan kaiyan. Dangan magkakaigwa nin kinurahaw sa aldaw nin gera, asin an ralaban magigin mangirhat siring sa sarong bagyo.

Zacarias 14:3

Dangan maluwas an Kagurangnan asin makikilaban sa mga nasyon, arog kan pakilaban niya kaidtong panahon.

Deuteronomio 3:11

An hadeng si Og iyo an natada sa mga Refaim. An saiyang kabaong, na gibo sa lansang, igwa nin sukol na haros duwang metro an lakbang asin apat na metro an laba sosog sa kinaugalean na sukol. Yaon pa ini sagkod ngunyan sa syudad nin Rabba sa daga kan mga Ammonita.)

1 Samuel 18:30

Minaabot an mga hukbo kan mga Filisteo tanganing makilaban; alagad sa lambang gera, orog na mapanggana si David ki sa arin man na opisyal ni Saul. Kaya orog na nagin bantog si David.