2 Samuel 10:18 - Marahay na Bareta Biblia

¹⁸ asin napasibog kan mga Israelita an mga Siro. Si David asin an saiyang mga tawohan nakagadan nin syete syentos na mga taga Siria na nakakarwahe asin kwarenta mil na mga nakakabayo. Nalugadan ninda si Sobac, an pamayo kan mga kaiwal, asin nagadan siya duman.

2 Samuel 10:18 ပူးပေါင်းရင်းမြစ်များ

2 Samuel 10:17

Kan maaraman ini ni David, tinipon niya an bilog na hukbo nin Israel, binalyo niya an Jordan, asin nagpasiring sa Helam, saen nakaatubang niya an mga taga Siria. Nagpoon an ralaban

2 Samuel 8:4

Binihag ni David an mil syete syentos sa mga nakakabayong soldados ni Hadadezer asin beynte mil kan saiyang mga soldados. Pinirilayan niya an mga kabayo, alagad nagtada siya para sa sanggatos na karwahe.

1 Mga Hade 11:24

asin nagin lider nin sarong grupo nin mga tulisan. (Nangyari ini pakatapos na madaog ni David si Hadadezer asin magadan an mga kaalyansa niyang taga Siria.) Nagpasiring sa Damasco si Rezon kaiba an saiyang mga tawohan asin duman sinda nag-erok. Duman ginibo siyang hade nin Siria kan saiyang mga tawohan.

1 Mga Cronica 19:18

asin napasibog kan mga Israelita an mga Siro. Si David asin an saiyang mga tawohan nakagadan nin syete mil na mga Siro na nakakarwahe, saka kwarenta mil pang mga soldados. Nagadan man ninda si Sobac na pamayo kan hukbo kan mga Siro.

Salmo 18:38

Ginadan ko sinda, asin dai na nakabangon; natumba sinda sa sakong atubang.

Salmo 46:11

Nasa sato an Makakamhan na Kagurangnan; an Dios ni Jacob an satong pailihan.

Salmo 68:2

Siring na an aso ipinapalid, alawon mo logod sinda; siring na an taro natutunaw sa kalayo, an tampalasan mapara logod sa atubang nin Dios!

Hukom 4:2

Kaya ipinasakop sinda nin Kagurangnan ki Jabin, sarong hadeng Cananeo na naghade sa syudad nin Hazor. Si Sisera, na taga Haroset-hagoiim, iyo an pamayo kan saiyang hukbo.

Hukom 4:22

Kaya kan mag-abot si Barak na naghahanap ki Sisera, sinabat siya ni Jael asin sinabihan, “Madya asin itutukdo ko saimo an tawong hinahanap mo.” Kaya luminaog siya sa tolda kaiba si Jael asin yaon duman si Sisera sa daga, gadan na huli kan taldok na luminagbas sa saiyang payo.

Hukom 5:26

Kinua kan wala niyang kamot an sarong taldok kan tolda, asin an martilyo kan trabahador kan toong kamot niya; pinukpok niya si Sisera, pinasa an payo; ipinalpal sa sentido an taldok na luminagbas sa payo.