2 Samuel 10:12 - Marahay na Bareta Biblia

¹² Magmaisog ka! Maigot kitang makilaban para sa satong banwaan asin para sa mga syudad nin satong Dios. Gibohon logod nin Kagurangnan an pinaghohona niyang marahay!”

2 Samuel 10:12 ပူးပေါင်းရင်းမြစ်များ

2 Samuel 10:11

Sinabihan ni Joab si Abisai, “Kun nahihiling mong nadadaog ako kan mga taga Siria, tabangan mo ako, asin kun nadadaog ka kan mga Ammonita, tatabangan taka.

2 Samuel 15:26

Alagad kun dai niya ako nawiwilihan, uya ako asin gibohon logod niya sako an pagmarahayon niya.”

1 Mga Cronica 19:13

Magmaisog ka! Maigot kitang makilaban para sa satong banwaan asin para sa mga syudad nin satong Dios. Gibohon logod nin Kagurangnan an pinaghohona niyang marahay.”

2 Mga Cronica 32:7

“Magmakosog kamo saka magmaisog. Dai kamo matakot sa emperador nin Asiria asin sa bilog na hukbo na kaiba niya, huli ta kaiba ta an sarong mas dakula ki sa kaibahan niya.

Nehemias 4:14

Nahiling kong nahandal an mga tawo, kaya sinabihan ko sinda asin an saindang mga lider saka mga opisyal, “Dai kamo matakot sainda. Giromdoma nindo an Kagurangnan, dakula asin makangirhat siya. Ipaglaban nindo an saindong mga tugang, an saindong mga kaakian, an saindong mga agom saka mga harong.”

Nehemias 4:8

Kaya nagplano sinda gabos na dumanon asin salakayon an Jerusalem tanganing maggibo nin karibokan.

Esther 4:16

“Lakaw asin tipona an gabos na Judio sa Susa. Mag-ayuno kamo asin mamibi para sako. Dai kamo magkakan o mag-inom nin anoman sa laog nin tolong aldaw saka banggi. Mag-aayuno man ako kaiba an sakong mga sorogoon na babae. Pakatapos, maduman ako sa hade maski tumang ini sa katogonan. Kun kaipuhan magadan ako sa paggibo kaini, mapagadan ako.”

An Libro ni Job 1:21

Nagsabi siya, “Huba ako kan iluwas sa tulak kan sakong ina, asin huba akong mabalik. An Kagurangnan an nagtao, asin an Kagurangnan an nagkua. Pag-omawon logod an ngaran nin Kagurangnan!”

Mga Bilang 13:20

Hilingon nindo kun matubang o bako an daga; kun makahoy o bako. Pagmaisog kamo asin pagbalik nindo, magdara kamo nin nagkapirang prutas.” (Panahon kaidto nin paghinog kan ubas.)

1 Corinto 16:13

Magpuka kamo asin magdanay na masarig sa pagtubod; magmaigot kamo saka magmakosog.

Deuteronomio 31:6

Magmaisog kamo saka pakosogon nindo an saindong boot. Dai kamo matakot sainda; huli ta iibahan kamo nin Kagurangnan na saindong Dios; dai niya kamo papabayaan.”

Deuteronomio 31:7

Dangan inapod ni Moises si Josue asin sinabihan sa atubang kan bilog na banwaan nin Israel, “Magmaisog ka saka pakosoga an saimong boot; ika an mangengenot sa mga tawong ini sa pagsakop kan daga na ipinanuga nin Kagurangnan sa saindang mga ginikanan.

Hebreyo 11:33

Huli sa pagtubod sinakop ninda an mga kahadean, ginibo an matanos asin inako an ipinanuga nin Dios. Tinakpan ninda an ngoso kan mga leon;

Hebreyo 13:6

Kaya makosog an boot na makakapagsabi kita, “Tatabangan ako kan Kagurangnan; dai ako matatakot. Ano an magigibo nin tawo tumang sako?”

Josue 1:18

Gagadanon an siisay man na maglapas kan saimong togon asin magsuhay kan saimong pagboot. Magmaisog ka asin pakosoga an saimong boot!”

Josue 1:9

Giromdoma na pinagbotan taka na magmaisog asin magmakosog nin boot! Dai ka matakot o mawaraan nin paglaom huli ta ako, an Kagurangnan na saimong Dios, an kaibahan mo saen ka man magduman.”

Hukom 10:15

Alagad nagsimbag sa Kagurangnan an banwaan nin Israel, “Nagkasala kami asin andam na mag-ako kan ano man na saimong pagmarahayon na gibohon samo; alagad ligtasan man kami ngunyan na aldaw.”

1 Samuel 14:12

Kinurahawan ninda si Jonatan asin an kaiba niya, “Sakat kamo digdi! Igwa kaming ipapahiling saindo!” Sinabihan ni Jonatan an saiyang kaiba, “Magsunod ka sako. Papaganahon na nin Kagurangnan an Israel laban sainda.”

1 Samuel 14:6

Sinabihan ni Jonatan an hoben na nagdadara kan saiyang armas, “Magduman kita sa kampo kan bakong sirkomsisyonadong mga Filisteo. Tibaad tabangan kita nin Kagurangnan; kun tabangan niya kita, mayong makakapugol saiya sa pagtao sato nin kapangganahan, maski dikit sana kita.”

1 Samuel 17:32

Nagsabi si David ki Saul, “Mayo nin siisay man na dapat matakot sa Filisteong iyan! Ako an maduman asin makikilaban saiya.”

1 Samuel 3:18

Kaya inistorya saiya ni Samuel an gabos; mayo siyang itinago. Dangan nagsabi si Eli, “Siya an Kagurangnan; gigibohon niya an pinaghohona niyang marahay.”

1 Samuel 4:9

Magmaisog kamo, mga Filisteo! Magpakalalaki kamo huli ta tibaad magin mga oripon kita kan mga Hebreyo, siring na sinda nagin mga oripon ta. Magpakalalaki kamo asin lumaban!”