2 Samuel 1:21 - Marahay na Bareta Biblia

²¹ “Mayo logod nin uran o ambon na maghugpa sa kabubuldan nin Gilboa; danay logod na mayong magtalubo sa saiyang kaomahan! Huli ta nadigtaan duman an kalasag kan maiisog; an kalasag ni Saul dai na nagkikinang sa lana.

2 Samuel 1:21 ပူးပေါင်းရင်းမြစ်များ

1 Mga Cronica 10:1

Nakilaban an mga Filisteo sa mga Israelita sa Bukid nin Gilboa. Dakul na Israelita an nagkagaradan duman. Nagdurulag an iba sainda na kairiba si Hadeng Saul asin an mga aki niyang lalaki.

1 Mga Cronica 10:8

Sunod na aldaw, kan magduman sa mga bangkay an mga Filisteo tanganing samsaman, nanumpongan ninda sa Bukid nin Gilboa an bangkay ni Saul asin kan saiyang tolong aking lalaki.

Awit nin mga Awit 4:4

An saimong liog arog sa tore ni David, bilog asin malinig, na nabibitayan nin sangribong saradit na kalasag, gabos kalasag nin maiisog.

Isaias 21:5

Sa bisyon, nahiling ko an inandam na bangkete; an mga ibiniklad na alpombra na tutukawan kan mga bisita. Nagkakakan saka nag-iinom sinda. Dangan nadangog an pagboot: “Mga opisyal! Andama nindo an saindong mga kalasag!”

Isaias 5:6

Papabayaan kong magtalubo an mga doot; dai ko iyan tatakrasan ni babayoboon, kundi papataluboon ko an mga tonok. Pagbobotan ko an mga dampog na dai maghulog nin uran duman.”

Ezekiel 31:15

Ini an itinataram nin Kagurangnan Dios, “Sa aldaw na an kahoy na iyan magduman sa kinaban nin mga gadan, papalantopan ko iyan sa katubigan na nasa kairaroman bilang pagmondo, asin pupugolon ko an mga salog saka mga sapa tanganing dai magbulos paluwas. Huli ta gadan na an kahoy na iyan, papatoson ko nin kadikloman an kabukidan nin Lebanon, asin maaalang an gabos na kahoy kan kadlagan.

Joel 1:9

Mayo na nin trigo o arak na idodolot sa Templo; nagmomondo an mga padi huli ta mayo sindang mga dolot para sa Kagurangnan.

Joel 2:14

Tibaad magliwat nin isip an Kagurangnan na saindong Dios asin bendisyonan kamo nin dakulang ani. Dangan madodolotan nindo siya nin trigo saka arak.

Hukom 5:23

“Maldisyonon an Meroz,” an olay kan anghel nin Kagurangnan, “maldisyonon an gabos na nag-eerok duman. Dai sinda nag-abot sa pagtabang sa Kagurangnan, sa pagtabang sa Kagurangnan laban sa mapangyari.”

1 Samuel 10:1

Dangan kinua ni Samuel an laogan kan lana nin oliba asin inulaan sa payo si Saul. Hinadokan ni Samuel si Saul dangan sinabihan, “An Kagurangnan an naglahid saimo bilang hade kan saiyang banwaan na Israel. Paghahadean mo an saiyang banwaan asin ililigtas sa saindang mga kaiwal. Ini an magigin tanda para saimo na an Kagurangnan an nagpili saimo na magin hade kan saiyang banwaan:

1 Samuel 31:1

Nakilaban an mga Filisteo sa mga Israelita sa Bukid nin Gilboa. Dakul na Israelita an nagkagaradan duman. Nagdurulag an iba sainda na kairiba si Hadeng Saul asin an mga aki niyang lalaki.

1 Samuel 31:8

Sunod na aldaw, kan magduman sa mga bangkay an mga Filisteo tanganing samsaman, nanumpongan ninda sa Bukid nin Gilboa an bangkay ni Saul asin kan saiyang tolong aking lalaki.