2 Samuel 1:2 - Marahay na Bareta Biblia

² Sunod na aldaw, uminabot an sarong hoben na lalaki hale sa kampo ni Saul. Sa pagpahiling kan saiyang kamondoan, ginisi niya an saiyang gubing asin binugtakan nin daga an saiyang payo. Nagdolok siya ki David asin nagdapa sa pagtaong galang.

2 Samuel 1:2 ပူးပေါင်းရင်းမြစ်များ

Genesis 22:4

Sa ikatolong aldaw, harayo pa, nahiling na ni Abraham an lugar.

Genesis 37:29

Kan balikan ni Ruben an bubon asin nahiling na mayo na duman si Jose, ginisi niya an saiyang gubing sa kamondoan.

Genesis 37:34

Dangan ginisi ni Jacob an saiyang gubing sa kamondoan asin nagsulot siya nin sako; haloy niyang pinagmondoan an kagadanan kan saiyang aki.

Genesis 43:28

Nagsimbag sinda, “Buhay pa siya asin marahay an kamugtakan.” Dangan nagruluhod sinda sa saiyang atubang.

2 Samuel 1:3

Hinapot siya ni David, “Saen ka hale?” “Nakadulag ako sa kampo kan mga Israelita,” an simbag niya.

2 Samuel 13:19

Nagbugtak siya nin abo sa saiyang payo, ginisi an saiyang halabang gubing, dangan naglakaw na naghihibi mantang tinatahoban kan mga kamot an saiyang lalawogon.

2 Samuel 14:4

Nagduman an babae sa hade, nagtaong galang dangan nagsabi, “Tabangi ako, mahal na hade!”

2 Samuel 15:32

Kan nakaabot si David sa alitoktok kan bulod, saen sinasamba an Dios, sinabat siya kan pinapaniwalaan niyang katood na si Husai na Arkita, na gisi an gubing asin may alpog an payo.

2 Samuel 24:20

Pagdungaw ni Arauna, nahiling niya an hade asin an saiyang mga opisyal na nagpapasiring saiya. Nagdapa siya sa daga sa atubangan ni David

2 Samuel 4:10

na dinakop ko asin ginadan duman sa Ziklag an nagdara sako kan bareta na gadan na si Saul. Naghona siyang marahay an bareta na dara niya; alagad an tandan na itinao ko saiya—kagadanan.

Esther 4:16

“Lakaw asin tipona an gabos na Judio sa Susa. Mag-ayuno kamo asin mamibi para sako. Dai kamo magkakan o mag-inom nin anoman sa laog nin tolong aldaw saka banggi. Mag-aayuno man ako kaiba an sakong mga sorogoon na babae. Pakatapos, maduman ako sa hade maski tumang ini sa katogonan. Kun kaipuhan magadan ako sa paggibo kaini, mapagadan ako.”

Esther 5:1

Kan ikatolong aldaw isinulot ni Esther an gubing niya bilang reyna asin nagtindog siya sa pinakalaog na patyo kan palasyo, sa atubangan kan sala kan hade. Nasa laog an hade asin nagtutukaw sa saiyang trono, nakaatubang sa pintoan.

Salmo 66:3

Sabihan nindo an Dios, “Makangangalas an saimong ginibohan! Dakula nin marahay an saimong kapangyarihan, kaya an saimong mga kaiwal minaduko sa takot sa saimong atubang.

Ezekiel 27:30

Nagmomondo sinda nin makuri para saimo, nagbubugtak nin alpog sa saindang payo asin nagliligid sa abo.

Oseas 6:2

Pakalihis nin duwa o tolong aldaw, bubuhayon niya giraray kita asin mamumuhay kita sa saiyang atubang.

Joel 2:13

Magbakle kamo nin tudok sa saindong puso, asin bakong huli sa paggisi kan saindong gubing.” Magbalik kamo sa Kagurangnan na saindong Dios. Mahuyo siya asin maheherakon; matinios siya saka nag-ootob kan saiyang mga panuga; danay siyang andam sa pagpatawad asin bakong sa pagpadusa.

Mateo 12:40

Siring na si Jonas tolong aldaw asin tolong banggi sa tulak nin balyena, siring man an Aki nin Tawo tolong aldaw asin tolong banggi sa irarom kan daga.

Mateo 16:21

Poon kaidto nagpoon nang paliwanagan ni Jesus an mga disipulo na kaipuhan magduman siya sa Jerusalem dangan mag-agi nin makuring pagsakit sa kamot kan mga kamagurangan, kan mga poon na padi, asin kan mga paratukdo kan Katogonan. Sinabihan niya sinda na gagadanon siya alagad sa ikatolong aldaw mabubuhay siya liwat.

Josue 7:6

Sa dakulang kamondoan ginisi ni Josue asin kan mga lider nin Israel an saindang mga gubing. Nagdapa sinda sa daga sa atubangan kan Kaban nin Tipan nin Kagurangnan sagkod sa banggi asin binugtakan ninda nin abo an saindang payo.

Kapahayagan 3:9

Uya, an mga kaiba sa sinagoga ni Satanas, na nagsasabing sinda mga Judio alagad bako, kundi nagpuputik sana, padodolokon ko asin paluluhodon sa atubang mo, tanganing maaraman ninda gabos na namomotan taka.

1 Samuel 20:41

Pakahale kan hoben, nagluwas si David hale sa likodan kan tambak nin mga gapo dangan makatolong beses siyang nagdapa sa daga. Parehong naghihibi na naghadokan si David saka si Jonatan; orog an kamondoan ni David ki sa ki Jonatan.

1 Samuel 25:23

Kan mahiling ni Abigail si David, hidali siyang naglusad sa saiyang asno asin nagdapa sa daga,

1 Samuel 4:12

Sarong lalaki na gikan sa tribu ni Benjamin an nagdalagan hale sa lugar nin ralaban asin nakaabot sa Shilo kan aldaw man sanang idto. Ginirisi niya an saiyang gubing asin binugtakan nin daga an saiyang payo sa pagpahiling kan saiyang kamondoan.

1 Samuel 4:16

Sinabihan kan lalaki si Eli, “Nakadulag ako hale sa ralaban asin nagparadalagan ako pasiring digdi ngunyan.” Naghapot si Eli, “Ano an nangyari, aki ko?”