2 Samuel 1:18 - Marahay na Bareta Biblia

¹⁸ Ipinagboot niyang itukdo ini sa mga taga Juda. (Nasusurat ini sa Libro ni Jasar.)

2 Samuel 1:18 ပူးပေါင်းရင်းမြစ်များ

Genesis 49:8

“Juda, oomawon ka kan saimong mga tugang. Kakapotan mo sa liog an saimong mga kaiwal. Maduko kan saindang payo an saimong mga tugang.

2 Samuel 1:19

“Gadan na an satong mga lider sa kabubuldan nin Israel! Nagadan an pinakamaisog tang mga soldados!

Deuteronomio 4:10

an manongod sa aldaw na nagtindog kamo sa atubang nin Kagurangnan na saindong Dios duman sa Bukid nin Sinai, kan siya magtaram sako, ‘Tipona sa atubang ko an gabos na tawo. Boot kong dangogon ninda an sakuyang itataram, tanganing makanood sindang matakot sako sa bilog nindang pagkabuhay, asin tanganing itukdo man ninda an siring sa saindang mga aki.’

Josue 10:13

Nag-ontok an aldaw asin dai naghiro an bulan sagkod na nadaog kan Israel an saindang mga kaiwal. Nasusurat ini sa Libro ni Jasar. Nag-ontok an aldaw sa tahaw kan langit asin dai nagsolnop sa bilog na maghapon.