2 Samuel 1:16 - Marahay na Bareta Biblia

¹⁶ asin sinabihan ni David an Amalekita, “Hinukoman mo an saimong sadiri kan sabihon mong ginadan mo an linahidan nin Kagurangnan.”

2 Samuel 1:16 ပူးပေါင်းရင်းမြစ်များ

2 Samuel 1:10

Kaya nagdolok ako saiya asin ginadan ko siya, huli ta aram ko man sanang magagadan siya sa oras na matumba siya. Dangan kinua ko an saiyang korona saka pangbrasong pulseras asin dinara ko digdi saimo, kagurangnan.”

2 Samuel 16:8

Kinua mo an kahadean ni Saul, kaya pinapadusahan ka ngunyan nin Kagurangnan huli ta kadakul sa pamilya ni Saul an saimong ginadan. Itinao na nin Kagurangnan an kahadean sa aki mong si Absalom, asin mayo ka na, ika na paragadan!”

1 Mga Hade 2:37

Saboton mo nanggad na magagadan ka sa oras na humale ka asin bumalyo sa sapa nin Kidron—asin ika an babasolon sa saimong pagkagadan.”

An Libro ni Job 15:6

An saimong ngoso an nagpapahamak saimo, asin bakong ako; an saimong mga ngabil an nagsasaksi laban saimo.

Mga Talinhaga 6:2

magagakodan ka kan sadiri mong tataramon, masisiod ka kan sadiri mong panuga.

Ezekiel 18:13

dangan nagpapautang na may patubo. Mabubuhay daw siya? Dai nanggad! Ginibo niya an makauuyam na mga bagay na ini, kaya magagadan siya. Siya an babasolon sa sadiri niyang kagadanan.

Ezekiel 33:5

Siya an babasolon, huli ta dai niya pinahalagahan an patanid. Kun pinahalagahan kuta niya, nakadulag kuta siya.

Levitico 20:27

“An siisay man na lalaki o babaeng magkonsulta sa espiritu kan mga gadan, gagapoon sagkod na magadan; siya an responsable kan saiyang kagadanan.”

Levitico 20:9

Itinao nin Kagurangnan an minasunod na pagsusundon. An siisay man na magsumpa kan saiyang ama o ina gagadanon; responsable siya kan saiyang kagadanan.

Mateo 27:25

An gabos na tawo nagsimbag, “Kargo mi asin kan mga aki mi an saiyang kagadanan!”

Lukas 19:22

Dangan sinabihan kan hade an sorogoon na ini, ‘Maraot kang sorogoon! Papadusahan taka siring sa itinaram mo! Aram mo palan na maisip ako, kinukua ko an bako kong pinagpagalan saka nag-aani kan bako kong itinanom;

Mga Gibo 18:6

Kan sinalungat siya ninda saka pinag-olog-olog, pinagpag niya an alpog sa saiyang gubing dangan sinabihan sinda, “Kamo an babasolon kun kamo mapahamak; bakong ako! Magpoon ngunyan, maduman ako sa mga pagano.”

Mga Gibo 20:26

Kaya sinasabi ko saindo ngunyan na aldaw, na kun may mapahamak saindo, bako na ako an may sala.

Roma 3:19

Ngunyan aram tang an nasasabi sa Katogonan gabos ipinapanongod sa mga tawong nasasakopan kan Katogonan, tanganing mayo nanggad nin dahelan an siisay man, asin tanganing an bilog na kinaban iatubang sa paghukom nin Dios.

Deuteronomio 19:10

Gibohon nindo ini tanganing dai magadan an mga inosenteng tawo asin tanganing dai kamo makondenar sa paggadan sainda duman sa daga na itatao saindo nin Kagurangnan.

Josue 2:19

Kun may magluwas sa saimong harong, dai kami mababasol kun siya magadan; sala niya iyan. Alagad kun may makulogan sa mga kairiba mo sa laog kan harong, kami an maninimbag kaiyan.

Hukom 9:24

Nangyari ini tanganing si Abimelec asin an kalalakihan sa Shekem, na nagpakosog kan saiyang boot sa paggadan kan setentang aking lalaki ni Gideon, magbayad kan kasalan na saindang ginibo.

1 Samuel 25:39

Kan mabaretaan ni David na gadan na si Nabal, nagsabi siya, “Pag-omawon an Kagurangnan! Siya an nagbalos ki Nabal huli kan pag-insulto niya sako asin ilinikay ako nin Kagurangnan sa pagkasala. Pinadusahan nin Kagurangnan si Nabal huli kan karatan na ginibo niya.” Dangan nagpatogon si David ki Abigail na boot niya ining magin agom.

1 Samuel 26:9

Alagad nagsabi si David, “Dai mo siya paggadanon! Papadusahan nanggad nin Kagurangnan an siisay man na gumadan sa hade na saiyang pinili.