2 Samuel 1:12 - Marahay na Bareta Biblia

¹² Maghapon sindang nagmondo, nagtangis asin nag-ayuno para ki Saul, para ki Jonatan saka para sa Israel, an banwaan nin Kagurangnan, huli ta nagadan sinda sa ralaban.

2 Samuel 1:12 ပူးပေါင်းရင်းမြစ်များ

2 Samuel 3:35

Bilog na aldaw na hiningowa kan mga tawo na magkakan si David, alagad nagsumpa siya, “Gadanon logod ako nin Dios kun magkakan ako nin anoman bago magsolnop an aldaw!”

Mga Talinhaga 24:17

Dai mo ipag-ogma an pagbagsak kan saimong kaiwal, ni ipaggayagaya an saiyang pagkatumba.

Jeremias 9:1

Kun sarong bubon pa sana nin tubig an sakong payo asin sarong burabod nin luha an mga mata ko, tanganing aldaw-bangging makapagtangis ako para sa mga ginaradan na mga kahimanwa ko.

Amos 6:6

Ginalon na arak an iniinom nindo asin mamahalon na mga pahamot an ginagamit nindo, alagad dai nindo ipinagmomondo an pagkarumpag nin Israel.

Mateo 5:44

Alagad ngunyan sinasabihan ko kamo: kamotan nindo an saindong kaiwal, asin ipamibi nindo an mga nagpapasakit saindo,

2 Corinto 11:29

Kun igwa nin maluya, an pagmate ko maluya man; kun igwa nin nahuhulog sa kasalan, napapano ako nin kahorasaan.

1 Pedro 3:8

Sa kataposan, dapat na magkasararo kamo gabos sa espiritu, magmakulog sa kapwa, magkaminorootan siring sa magturugang; magkaigwa kamo nin mahuyo na puso asin mapakumbabang boot.

1 Samuel 31:13

Dangan kinua ninda an mga tolang asin ilinubong sa irarom kan kahoy na sampalok duman sa Jabes. Pakatapos, nag-ayuno sinda sa laog nin pitong aldaw.

1 Samuel 31:6

Siring kaidto an pagkagadan ni Saul, kan saiyang tolong aking lalaki, asin kan paradara kan saiyang mga armas, patin kan gabos niyang tawohan. Nagadan sinda sa parehong aldaw.