2 Pedro 3:1 - Marahay na Bareta Biblia

¹ Namomotan kong mga tugang, ini an ikaduwang surat na ipinapadara ko saindo. Sa duwa kong surat, hiningowa kong pukawon saindo an malinig na pag-isip huli sa pagpagiromdom saindo kan mga bagay na ini.

2 Pedro 3:1 ပူးပေါင်းရင်းမြစ်များ

Salmo 24:4

An tawong malinig an mga kamot asin mabini an puso, an dai nagsasamba sa mga dios-dios, an dai naggigibo nin putik na panuga.

Salmo 73:1

Marahayon nanggad an Dios sa mga matanos, sa mga tawong malinig an puso.

Mateo 5:8

“Paladan an mga malinig an puso, huli ta mahihiling ninda an Dios!

2 Corinto 13:2

Kan ikaduwa kong pagdalaw saindo, pinatanidan ko an mga nagkasala kaidto asin an iba man. Ngunyan na mayo ako diyan, pinapatanidan ko giraray sinda: sa sunod kong pagdiyan, mayo nang makakaligtas sa padusa.

1 Timoteo 5:22

Dai ka magmadali sa pagdoon nin kamot sa pagkonsagra sa kiisay man sa trabaho nin Kagurangnan. Dai ka magpadamay sa kasalan kan iba, kundi magdanay kang malinig.

2 Timoteo 1:6

Kaya pinapagiromdom taka na orog mong gamiton an regalong itinao saimo nin Dios kan iduta ko saimo an mga kamot ko.

Hebreyo 6:9

Mga namomotan, maski siring an itinataram nyamo, bilog an paglaom mi na igwang mga marahay na bagay para saindo, mga bagay manongod sa saindong kaligtasan.

1 Pedro 1:22

Ngunyan na malinig na an saindong buhay huli sa pagkuyog kan katotoohan, dangan igwa na kamo nin tunay na pagkamoot sa kapwa nindo mga paratubod, magkaminorootan kamo nin tudok sa puso.

1 Pedro 2:11

Mga namomotan kong tugang, nakikiolay ako saindo na kamo, bilang mga dayuhan saka mga nasa destyero sa kinaban na ini, dai kamo magpadaog sa mga kamawotan kan laman na danay na nakikilaban sa mga kalag nindo.

2 Pedro 3:14

Kaya mga namomotan, mantang naghahalat kamo kan Aldaw na iyan, hingowahon nindong magin malinig kamo o mayong kaninan sa atubang nin Dios asin namumuhay kamo sa katoninongan.

2 Pedro 3:17

Alagad kamo, mga tugang, aram na nindo an mga bagay na ini, kaya mag-ingat kamo tanganing dai kamo madara kan mga sala kan mga tawong maraot, dangan mahale sa ligtas na namumugtakan nindo ngunyan.

2 Pedro 3:8

Namomotan kong mga tugang, dai nindo paglingawan an katotoohan na ini: na sa Kagurangnan, an sarong aldaw kabaing sa sangribong taon; asin an sangribong taon siring sa sarong aldaw.

Judas 1:5

Maski aram na nindo an gabos na ini, boot kong ipagiromdom saindo kun paanong ilinigtas kan Kagurangnan an mga Israelita sa daga nin Egipto, dangan ginaradan an mga dai nagtubod saiya.