2 Pedro 2:21 - Marahay na Bareta Biblia

²¹ Mas marahay pa logod kun dai siya nakaaram kan dalan nin katanosan ki kan pakatapos na maaraman niya iyan, magtalikod siya sa banal na togon na itinao saiya.

2 Pedro 2:21 ပူးပေါင်းရင်းမြစ်များ

Salmo 125:5

Alagad kun padusahan mo na an mga tampalasan, padusahan mo man an mga minasuhay sa saimong mga dalan. An katoninongan mapasa-Israel!

Salmo 85:8

Nagdadangog ako kan itinataram nin Dios na Kagurangnan, huli ta ipinapahayag niya an katoninongan sa saiyang banwaan, sa saiyang mga banal, na dai na mabalik sa saindang kasombikalan.

Mga Talinhaga 12:28

An katanosan iyo an dalan pasiring sa buhay; an karatan iyo an dalan pasiring sa kagadanan.

Mga Talinhaga 16:31

An halawig na buhay iyo an balos sa matanos; an mga puting buhok korona nin kamurawayan.

Ezekiel 18:24

“Alagad kun an sarong matanos na tawo mag-ontok sa paggibo nin marahay dangan magpoon sa paggibo nin maraot saka makauuyam na mga bagay na ginigibo kan mga tampalasan, padagos daw siyang mabubuhay? Dai! Mayo sa mga matanos na bagay na ginibo niya an magigiromdoman. Magagadan siya, huli ta dai siya nagin maimbod asin huli kan saiyang mga kasalan.

Ezekiel 23:13

Nahiling kong marompot nanggad siya, arog karompot kan saiyang tugang.

Ezekiel 3:20

“Siring man, kun an sarong matanos na tawo magpoon sa paggibo nin maraot, dangan ibinugtak ko siya sa pag-alaman, magagadan siya kun dai mo siya patanidan. Magagadan siya huli kan saiyang mga kasalan—dai ko na gigiromdomon an mga karahayan na saiyang ginibo—asin ika an babasolon sa saiyang pagkagadan.

Ezekiel 33:13

Pwede akong manuga na an matanos mabubuhay, alagad kun mag-isip siyang tama na an mga karahayan na ginibo niya kaidto dangan magpoon siyang magkasala, dai ko gigiromdomon an mga karahayan na ginibo niya. Magagadan siya huli kan saiyang mga kasalan.

Sofonias 1:6

Pupuhoon ko an mga nagtalikod asin dai na nagsusunod sako; an mga dai na nagdodolok sako o nakikimaherak na giyahan ko sinda.”

Mateo 21:32

Huli ta nagdigdi si Juan Bautista sa pagtukdo saindo kan tamang dalan, alagad habo kamong magtubod saiya. An mga parasingil nin buhis asin an mga maraot na babae nagtubod saiya. Alagad kamo, dawa nahiling na nindo ini, dai pa giraray nagbakle saka dai nagtubod saiya.”

Lukas 12:47

“An sorogoon na nakakaaram kan kabotan kan saiyang kagurangnan, alagad dai nag-andam o nagkuyog kaiyan, hahampakon nin makuri.

Juan 15:22

Dai kutana sinda nagkasala kun dai ako nagdigdi asin nagtaram sainda. Kaya ngunyan, mayo na sindang sarahotan kan saindang kasalan.

Juan 9:41

Nagsimbag si Jesus, “Kun kamo mga buta, dai kutana kamo nin kasalan. Alagad huli ta sinasabi nindong nakakahiling kamo, nangangahulugan iyan na nagkakasala kamo.”

Roma 7:12

Kaya banal an Katogonan, asin banal man an togon, tama saka marahay.

Galacia 6:2

Magpatarabang-tabang kamo sa pagdara kan saindong mga pasan; sa siring na paagi, kinukuyog nindo an katogonan ni Cristo.

1 Tesalonica 4:2

Aram na nindo an mga katukdoan na itinao mi saindo huli ki Jesus na Kagurangnan.

1 Timoteo 6:14

otobon mo an mga togon saimo saka magin maimbod ka sa pagsunod kaiyan sagkod sa Aldaw kan pagbalik ni Jesu-Cristo na satong Kagurangnan.

Hebreyo 10:26

Huli ta kun padagos kita sa tuyong pagkakasala pakatapos na mamidbidan ta an katotoohan, mayo na nin anoman na sakripisyo na makakahale kan satong mga kasalan.

Santiago 4:17

An siisay man na tataong maggibo nin marahay alagad dai minagibo kaiyan, nagkakasala.

2 Pedro 3:2

Boot kong giromdomon nindo an mga sinabi kaidto kan mga banal na propeta, saka an togon kan Kagurangnan asin Paraligtas na itinukdo saindo kan mga apostol nindo.

Judas 1:3

Mga namomotan, kanigoan an pagmawot kong magsurat saindo dapit sa kaligtasan nyato gabos. Alagad ngunyan nahihiling ko na dapat kamong suratan sa pagsadol saindo na ipadagos nindo an pakipaglaban para sa pagtubod na itinao nin Dios sa saiyang banwaan makasarong beses asin sagkod lamang.