2 Pedro 2:20 - Marahay na Bareta Biblia

²⁰ Kun an sarong tawo nakadulag na sa karatan kaining kinaban, huli sa pakaaram niya dapit ki Jesu-Cristo na satong Kagurangnan saka Paraligtas, dangan magpadakop giraray asin magpadaog sa mga karatan na iyan, an siring na tawo mahuhulog sa mas maraot na kamugtakan ki kan enot.

2 Pedro 2:20 ပူးပေါင်းရင်းမြစ်များ

Ezekiel 33:13

Pwede akong manuga na an matanos mabubuhay, alagad kun mag-isip siyang tama na an mga karahayan na ginibo niya kaidto dangan magpoon siyang magkasala, dai ko gigiromdomon an mga karahayan na ginibo niya. Magagadan siya huli kan saiyang mga kasalan.

Levitico 13:20

na iyo an mahiling saiya. Kun an lugar na ginatokan mas hararom ki sa palibot na kublit, asin an mga barahibo duman nagputi, ibibilang siya kan padi na tawong maati. Iyan sarong nakakatakot na helang sa kublit na nagpoon sa pigsa.

Levitico 13:55

Dangan hihilingon niya iyan, asin kun dai man nagliwat an kolor kan alamag maski dai iyan naglakop, maati man giraray an bagay na nakakapotan, sa atubangan man o sa likod, asin kaipuhan na suloon.

Levitico 14:43

Kun maglataw giraray an alamag sa laog kan harong pakatapos na haraleon an mga gapong nakapotan asin pakatapos na karosan an bilog na laog kan harong dangan mabagohan an palitada,

Mga Bilang 24:20

Dangan sa saiyang bisyon nahiling ni Balaam an mga Amalekita asin nagpropesiya siya: “An Amalek iyo an mapangyari sa gabos na nasyon, Alagad sa kataposan mapapara siya sagkod lamang.”

Deuteronomio 32:29

Kun sinda madonong, masasabotan ninda kun tano ta sinda nadaog.

Filipos 3:19

Kapahamakan an aabotan ninda huli ta an kamawotan kan saindang hawak iyo an nagin nindang dios; ipinag-oorgulyo pa ninda an dapat nindang ikasopog, asin an iniisip sana ninda iyo an mga bagay digdi sa kinaban.

2 Timoteo 2:4

An soldados na naglilingkod sa hukbo dai nakikiaram sa mga bagay na sibil, huli ta an kamawotan niya iyo an pagpaogma sa saiyang opisyal.

Santiago 1:27

Sa Dios Ama, an malinig saka mayong digtang pagkamaki-Dios iyo ini: an pagtabang sa mga ilo asin sa mga babaeng balo sa saindang kasakitan, dangan an pag-ingat sa sadiri na dai madigtaan kan kinaban.

2 Pedro 1:11

Sa paaging ini papalaogon kamo sa daing kataposan na Kahadean kan satong Kagurangnan asin Paraligtas na si Jesu-Cristo.

2 Pedro 1:2

Magsupay logod saindo an biyaya asin an katoninongan huli kan saindong pakamidbid sa Dios asin ki Jesus na satong Kagurangnan.

2 Pedro 1:3

Huli kan saiyang Diosnon na kapangyarihan, tinawan kita nin Dios kan gabos tang kaipuhan tanganing mamuhay na banal sa paagi kan satong pakamidbid ki Jesus, na iyo an nag-apod sato na makihiras sa saiyang kamurawayan asin karahayan.

2 Pedro 1:4

Sa paaging ini itinao niya sato an saiyang mga panuga na orog kadakula saka mahalaga, tanganing huli kaiyan makalikay kamo sa mga maraot na kamawotan na nasa kinaban asin magin kamong kahiras kan naturalesa nin Dios.

2 Pedro 1:8

Kun yaon saindo asin nagsusupay saindo an mga ini, magigin makosog kamo saka magigin mabinunga an pakamidbid nindo ki Jesu-Cristo na satong Kagurangnan.

2 Pedro 2:18

Halangkaw sindang manaramtaram alagad mayong laog; dinadagka ninda sa paagi kan mga karompotan nin laman an mga dai pa nahaloy na makasuhay sa kaibahan kan tawong sala an pamumuhay.

2 Pedro 3:18

Magpadagos kamong magtalubo sa biyaya saka pakaaram dapit sa satong Kagurangnan asin Paraligtas na si Jesu-Cristo. Mapasaiya an kamurawayan ngunyan asin sagkod pa man! Amen.