2 Pedro 2:16 - Marahay na Bareta Biblia

¹⁶ Alagad tinuyaw siya kan asno niya huli kan saiyang kasalan. Nagtaram ini na garo tawo, saka inontok an karungawan kan propeta.

2 Pedro 2:16 ပူးပေါင်းရင်းမြစ်များ

Salmo 39:11

An kasalan nin tawo pinapadusahan mo huli sa pagsagwe mo. Siring sa sarong bokbok rinaraot mo an mahalaga para saiya. Totoong an tawo kabaing sa sarong hinangos.

Parahulit 7:25

Idinusay ko an sakong buhay sa pagsabot saka sa pagsiyasat, sa paghanap nin kadonongan saka nin kasimbagan sa sakong mga hapot, asin sa pagsabot kun gurano karaot asin kalolong an kamangmangan.

Parahulit 9:3

Pareho an kataposan kan gabos na tawo, asin ini saro man na karatan arog kan ibang nangyayari sa kinaban na ini. Mantang nabubuhay pa an mga tawo, an saindang isip pano nin karatan saka karungawan, dangan nagagadan sinda tolos.

Oseas 9:7

Nag-abot na an panahon nin pagpadusa, an panahon na maako an mga tawo kan maninigo sainda. Kun mangyari na iyan, maaaraman iyan kan mga Israelita! Nagsasabi kamo, “Lolong an propetang ini. Bua an tawong ini na pinasabongan nin espiritu.” Anggot kamo sako huli ta dakulang marahay an saindong kasalan.

Lukas 16:11

Kaya kun dai kamo mapapaniwalaan kan kayamanan sa kinaban na ini, siisay an mapaniwala saindo kan tunay na kayamanan?

Mga Gibo 26:11

Dakul na beses na ipinahampak ko sinda sa mga sinagoga asin hiningowa kong talikdan ninda an saindang pagtubod. Anggot ako nin marahay, kaya nakaabot ako sagkod sa mga syudad nin ibang nasyon sa pagpasakit sainda.