2 Pedro 2:15 - Marahay na Bareta Biblia

¹⁵ Nagsuhay sinda sa tanos na dalan kaya nalagalag; sinunod ninda an dalan ni Balaam na aki ni Beor, na namoot sa kwarta na tandan sa paggibo nin maraot.

2 Pedro 2:15 ပူးပေါင်းရင်းမြစ်များ

1 Mga Hade 18:18

“Bako ako an nagpaparibok sa Israel,” an simbag ni Elias, “kundi ika asin an saimong ama. Huli ta linalapas mo an mga pagboot nin Kagurangnan asin sinasamba mo si Baal.

1 Mga Hade 19:10

Nagsimbag si Elias, “Dakula an pagmakulog ko para saimo Kagurangnan, Dios nin mga hukbo. Linapas kan banwaan nin Israel an saimong tipan, ginaba ninda an saimong mga altar asin ginadan an saimong mga propeta. Ako na sana an natatada asin hinahanap ninda ako tanganing gadanon.”

Nehemias 13:2

huli ta an mga taga Ammon saka mga taga Moab dai nagtao nin pagkakan asin tubig sa mga Israelita pakahale kaini sa Egipto. Embes kaiyan, binayadan ninda si Balaam tanganing maldisyonon an mga Israelita. Alagad an maldisyon na ini ginibo nin Dios na sarong bendisyon.

Mga Talinhaga 28:4

An tampalasan inoomaw kan mga tawong nagpapabaya kan katogonan, alagad laban sainda an mga tawong nagkukuyog kaiyan.

Ezekiel 9:10

Alagad dai ko sinda paliligtason o maheherakan; gigibohon ko sainda an ginibo ninda sa iba.”

Oseas 14:8

An banwaan nin Israel dai na nanggad magsasamba sa mga dios-dios; sisimbagon ko an saindang mga pamibi asin aatamanon ko sinda. Arog sa sarong marambong na kahoy lilindongan ko sinda; ako an gigikanan kan gabos nindang biyaya.”

Mikas 6:5

Banwaan ko, giromdoma an plano ni Hadeng Balak nin Moab sa saimo asin kun paano siya sinimbag ni Balaam na aking lalaki ni Beor. Giromdoma an mga pangyayari sa dalan magpoon sa kampo sa Sittim sagkod sa Gilgal. Giromdoma an mga bagay na ini asin maaaraman mo kun ano an ginibo ko tanganing iligtas ka.”

Mga Bilang 22:23

Kan mahiling kan asno an anghel nin Kagurangnan na kapot an espada saka nakatindog sa dalan, nagliklik an asno sa dalan asin nagpasiring sa kaomahan. Kaya hinampak ni Balaam an asno tanganing mapabalik sa dalan.

Mga Bilang 22:28

Dangan pinataram nin Kagurangnan an asno asin nagsabi ini ki Balaam, “Anong ginibo ko saimo ta hinampak mo ako nin tolong beses?”

Mga Bilang 22:32

Naghapot an anghel, “Tadaw ta hinampak mo nin makatolo an saimong asno? Napadigdi ako tanganing olangon an saimong agihan, huli ta dai mo dapat ginibo an paglakaw na ini.

Mga Bilang 31:16

Giromdoma nindo na mga babae an nagkuruyog sa katukdoan ni Balaam dangan sa Peor, sinda an nagdagka sa mga Israelita tanganing talikodan an Kagurangnan. Ini an dahelan kun tadaw ta nagkaigwa nin peste sa banwaan nin Kagurangnan.

Mateo 26:9

Ikinapabakal kutana iyan nin mahal nganing natabangan an mga dukha!”

Mga Gibo 1:18

An bayad sa saiyang pagpasaluib ibinakal ni Judas nin oma, saen naghugot siya; puminutok an saiyang tulak asin nawawa an saiyang bituka.

Mga Gibo 13:10

saka sinabihan, “Aki kan Diablo! Kaiwal ka kan gabos na katanosan; pano ka nin pagdaya saka pagpasaluib! Dai ka maontok sa pagtiko kan tanos na dalan nin Kagurangnan?

2 Pedro 2:13

babayadan ninda nin kasakitan an mga kasakitan na ginibo ninda sa iba. Ikinakaogma ninda an pagsunod sa anoman na kamawotan kan saindang hawak maski sa kaliwanggan nin aldaw; makasosopog asin makawawara nin onra na makisabay sinda saindo na magkakan, mantang naoogma sinda sa mga pagdaya ninda!

Judas 1:11

Herak man sainda! Huli ta inarog ninda si Cain; dahel sa kwarta, ginibo ninda an salang ginibo ni Balaam. Nagrebelde sinda arog ki Kora, kaya napahamak man sinda arog saiya.

Kapahayagan 2:14

Alagad igwa ako nin nagkapirang bagay na masasabi tumang saimo: may iba diyan saindo na nagsusunod sa katukdoan ni Balaam, na nagtukdo ki Balac na magbuktak nin singkogan para sa mga Israelita kan dagkahon sindang magkakan kan inatang sa mga dios-dios saka maggibo nin karigsokan.

1 Samuel 12:23

Siring man dapit sako, irayo logod nin Kagurangnan na magkasala ako saiya huli sa pag-ontok sa pagpapamibi para saindo. Tutukdoan ko kamo kan marahay asin tamang paagi.