2 Pedro 2:12 - Marahay na Bareta Biblia

¹² alagad an mga tawong ini minahiro na garo mayong isip, arog kan lalaw na hayop na inogbon tanganing dakopon saka bunoon. Pinag-oolog-olog ninda an mga bagay na dai ninda nasasabotan. Kaya mapapahamak sinda arog kan lalaw na mga hayop;

2 Pedro 2:12 ပူးပေါင်းရင်းမြစ်များ

Salmo 49:10

Mahihiling niya na maski an madonong na tawo nagagadan, siring man an mga lolong asin mga mangmang. Iwawalat ninda an saindang kayamanan sa saindang kapagarakian.

Salmo 92:6

An sarong mangmang dai kaini makakasabot; an sarong patal dai man kaini makakasabot,

Salmo 94:8

Pakasabota nindo, mga tawong patal! Mga lolong, nuarin nindo masasabotan?

Mga Talinhaga 14:32

An tampalasan ibinabagsak kan sadiring karatan, alagad an matanos iniingatan kan sadiring karahayan.

Jeremias 10:21

Nagsimbag ako, “Mangmang an satong mga lider; dai sinda nakihumapot sa Kagurangnan. Kaya dai sinda nag-uswag, asin nawarak an satong banwaan.

Jeremias 10:8

Gabos sinda mangmang saka lolong. Ano an naaadalan ninda sa kahoy na mga dios?

Jeremias 12:3

Alagad midbid mo ako, O Kagurangnan; nahihiling mo an ginigibo ko asin kun paano taka namomotan. Guyuda an mga tampalasan na ini arog sa karnerong bubunoon; isiblag mo sinda para sa aldaw nin paggadan sainda.

Jeremias 4:22

An Kagurangnan nagtataram, “Mangmang an sakong banwaan; dai ninda ako midbid. Garo sinda mga aking lolong; mayo sinda nin pakasabot. Eksperto sinda sa paggibo nin maraot alagad dai sinda tataong maggibo nin matanos.”

Jeremias 5:4

Dangan nagsaboot ako, “Mga dukha sana sinda asin mayo nin pakasabot. Naggigibo sinda nin kamangmangan huli ta dai ninda naaaraman an kahagadan nin Kagurangnan, an boot saindang ipagibo nin Kagurangnan.

Ezekiel 21:31

Mamamatean nindo an sakong kaanggotan kun butasan ko na iyan siring sa naglalaad na kalayo. Itatao ko kamo sa kamot nin maringis na mga tawo, na mga tood sa panggagadan.

Markos 7:22

pagkaara, katampalasan, pandaya, kadustaan, pagkaori, tsismis, kapaabaw-abawan dangan, kalolongan.

Juan 8:21

Sinabihan pa sinda ni Jesus, “Mahale ako; hahanapon nindo ako, alagad magagadan kamo sa saindong mga kasalan. Dai kamo makakaduman sa dudumanan ko.”

Galacia 6:8

An nagtatanom sa oma nin mga kamawotan sa laman, maani nin kagadanan; an nagtatanom sa oma nin Espiritu, maani nin buhay na daing kataposan.

Colosas 2:22

An gabos na pagsusundon na ini ipinapanongod sa mga bagay na nawawaraan nin halaga pakatapos na gamiton. Mga pagboot saka katukdoan sana iyan nin tawo.

2 Pedro 1:4

Sa paaging ini itinao niya sato an saiyang mga panuga na orog kadakula saka mahalaga, tanganing huli kaiyan makalikay kamo sa mga maraot na kamawotan na nasa kinaban asin magin kamong kahiras kan naturalesa nin Dios.

2 Pedro 2:19

Nanunuga sindang tatawan an mga ini nin katalingkasan; alagad sinda mismo mga oripon nin pamumuhay na maati—huli ta an sarong tawo oripon kan anoman na nakadaog saiya.

Judas 1:10

Alagad pinapakaraot kan mga tawong ini an mga bagay na dai ninda nasasabotan. Asin an mga bagay na nasasabotan ninda sa paagi kan saindang instinto, arog kan mayong isip na mga hayop, iyo an magdadara sainda nin kapahamakan.