2 Pedro 2:10 - Marahay na Bareta Biblia

¹⁰ Papadusahan nin Dios orog na idtong mga nagsusunod kan saindang maating mga kamawotan nin laman, asin nagsisikwal kan kapangyarihan nin Dios. An mga bakong tunay na paratukdong ini mapangahas, hambogon asin mayong paggalang sa mga halangkaw na kapangyarihan sa kalangitan.

2 Pedro 2:10 ပူးပေါင်းရင်းမြစ်များ

Genesis 49:6

Dai ako masabay sa saindang mga sekretong orolay, Dai man ako maiba sa saindang pagtiripon, Huli ta sa kaanggotan, nanggadan sinda nin tawo Asin sa kakalwagan, pinilayan ninda an mga toro.

2 Samuel 20:1

Nangyari na duman sa Gilgal, igwa nin sarong tawong mayo nin halaga na an ngaran Sheba, na aking lalaki ni Bikri, na gikan sa tribu ni Benjamin. Pinatanog niya an trompeta dangan nagkurahaw, “Mayo kaming kahirasan ki David; mayo kaming pamana hale sa aki ni Jesse! Mga Israelita, magpuruli na kita!”

1 Mga Hade 12:16

Kan mahiling kan mga tawo na habong maghinanyog sainda an hade, nagkurahaw sinda, “Ano an samong kahirasan ki David? Dai kami nin pamana sa aking lalaki ni Jesse. Bumalik kamo sa saindong mga tolda, O Israel! Atamana ngunyan an sadiri mong harong, O David.” Kaya nagbaralik sa saindang mga tolda an mga Israelita.

Salmo 12:4

na an olay, “Huli kan samong dila kami mandadaog. Sasabihon mi an samong minamawot; mayo nin makakapugol samo.”

Exodo 22:28

“Dai kamo maglanghad sa Dios asin dai nindo pagsumpaon an sarong namamayo kan saindong banwaan.

Parahulit 10:20

Dai mo pagmaldisyonon an hade, maski sa isip sana, asin dai mo pagmaldisyonon an mayaman maski sa laog kan saimong kwarto. Huli ta may pakpak an bareta asin may talinga an daga.

Jeremias 2:31

Banwaan nin Israel, hinanyoga an sakong tataramon. Nagin daw ako siring sa sarong desyerto sa saindo, siring sa dagang madiklom saka pano nin pag-alaman? Tadaw ta nagsasabi kamo na gigibohon nindo an saindong mawilihan, na dai na kamo mabalik sako?

Mga Bilang 15:30

Alagad gagadanon an tawong tuyong nagkasala, Israelita man o dayuhan, huli ta dai niya ginalangan an Kagurangnan.

Lukas 11:25

Pagbalik niya, maaabotan niya an harong na malinig asin husay.

Lukas 19:14

Alagad ikinakaongis siya kan mga kahimanwa niya, kaya nagpadara sinda nin mga sugo tanganing magsabi, ‘Habo ming magin hade an tawong ini.’

Mga Gibo 23:5

Nagsimbag si Pablo, “Mga tugang, dai ko aram na siya an Halangkaw na Padi. Huli ta nasusurat, ‘Dai ka dapat magtaram nin maraot dapit sa pamayo kan saimong banwaan.’”

Roma 8:1

Kaya mayo na nin paghukom sa mga tawong namumuhay ki Cristo Jesus.

1 Corinto 6:9

Dai nindo naaaraman na an mga maraot dai magmamana sa Kahadean nin Dios? Dai nindo paglokohon an sadiri nindo. An mga nakikidorog sa bakong agom, nagsasamba sa mga dios-dios, nagsasambay, nagdodorog sa magkasi lalaki o magkasi babae,

2 Corinto 10:3

Totoo na nabubuhay kami digdi sa kinaban, alagad dai kami nakikipaglaban dahel sa kinabanon na katuyohan.

Efeso 4:19

Dai na sinda nakakamate nin sopog; nagpabaya sindang mahulog sa karigsokan saka nagin paslo sinda sa gabos na kadustaan.

Efeso 5:5

Aram nindo na an tawong marigsok o dusta o paslo (an kapasloan sarong pagsamba sa dios-dios) dai magkakaigwa nin pamana sa Kahadean ni Cristo asin nin Dios.

Colosas 3:5

Kaya haleon na nindo an mga kinabanon na yaon saindo, arog kan karigsokan, kausmakan, kamawotan kan laman, mga maraot na kamawotan saka kapasloan (huli ta an kapasloan saro man na pagsamba sa dios-dios).

1 Tesalonica 4:7

Inapod kita nin Dios sa buhay na may kabanalan, bakong sa karigsokan.

2 Timoteo 3:2

An mga tawo magigin makasadiri, makikwarta, mapaabaw-abaw, mapalangkaw; sinda magigin paramuda, masombikal sa mga magurang, dai tataong magromdom nin utang na boot, saka daing Dios na minimidbid;

Tito 1:7

An sarong lider dapat na mayo nin katuyawan bilang pinaniniwalaan kan trabaho nin Dios; bakong mapalangkaw, o aranggoton, o paraburat, o parapakiiwal, o makikwarta.

Hebreyo 13:4

An matrimonyo dapat galangan nin gabos, saka dai nindo pagdigtaan an saindong pagkainagoman; huli ta huhukoman nin Dios an mga marigsok saka mga parasambay.

2 Pedro 3:3

Enot sa gabos, dapat nindong masabotan na sa mga huring aldaw, may mga paraolog-olog na madatong, mga tawo na nabubuhay sosog sa mga kamawotan kan saindang laman.

Judas 1:10

Alagad pinapakaraot kan mga tawong ini an mga bagay na dai ninda nasasabotan. Asin an mga bagay na nasasabotan ninda sa paagi kan saindang instinto, arog kan mayong isip na mga hayop, iyo an magdadara sainda nin kapahamakan.

Judas 1:16

An mga tawong ini danay na naggugumod-gumod saka nagbabasol sa iba; sinusunod ninda an saindang maraot na mga kamawotan; mga mapalangkaw sinda, asin sagin-sagin na inoomaw an mga tawo huli sa pakinabang na makukua ninda.

Judas 1:18

Sinabihan ninda kamo, “Sa huring mga aldaw, matunga an mga tawong mag-oolog-olog saindo; mga tawong nagsusunod kan saindang maraot na mga kamawotan.”

Judas 1:4

Huli ta may nagkapirang tawo na dai nagtutubod sa Dios an hilom na nakaayon sato, mga tawo na kaidto pa nakatalaan nang hukoman, mga mayong dios na ginigibong karompotan an biyaya nin satuyang Dios, asin isinisikwal ninda si Jesu-Cristo, an iyo sanang Kagrogaring saka Kagurangnan ta.

1 Samuel 10:27

Alagad igwa nin mayong halagang mga tawo na nagsarabi, “Paano kita ikakaligtas kan tawong ini?” Pinag-olog-olog ninda si Saul asin dai ninda dinarahan nin ano man na regalo, alagad dai sana naggirong si Saul.