2 Pedro 1:21 - Marahay na Bareta Biblia

²¹ Huli ta mayo nin propesiya na gikan sa kabotan kan tawo; kundi sa irarom kan kapangyarihan kan Espiritu Santo, an mga tawo nagtataram kan mensahe na hale sa Dios.

2 Pedro 1:21 ပူးပေါင်းရင်းမြစ်များ

2 Samuel 23:2

An espiritu nin Kagurangnan nagtataram sa paagi ko; an saiyang mensahe yaon sa sakong ngoso.

1 Mga Hade 13:1

Sa pagboot nin Kagurangnan, sarong propetang gikan sa Juda an nagpasiring sa Betel. Nag-abot siya duman mantang nakatindog si Jeroboam sa atubang kan altar tanganing magtutong nin insenso.

1 Mga Hade 17:18

Sinabihan kan babaeng balo si Elias, “Sorogoon nin Dios, tadaw ta ginibo mo ini sako? Nagdigdi ka daw tanganing ipagiromdom sa Dios an sakong mga kasalan asin magin dahelan kan pagkagadan kan sakong aking lalaki?”

1 Mga Hade 17:24

Nagsimbag an babae, “Ngunyan aram ko na saro kang sorogoon nin Dios asin an Kagurangnan nagtataram sa paagi mo!”

2 Mga Hade 4:22

Inapod niya an saiyang agom asin nagsabi, “Padarahan mo ako nin sarong sorogoon asin sarong asno. Kaipuhan magduman ako ki Propeta Eliseo. Mabalik tolos ako.”

2 Mga Hade 4:7

Nagbalik an balo ki propeta Eliseo, na nagsabi saiya, “Lakaw, pabakalan an lana asin bayadan mo an saimong mga utang. An matada sa kwarta ipagbuhay nindong mag-irina.”

2 Mga Hade 4:9

Nagsabi an babae sa saiyang agom, “Nahihiling ko na sarong banal na lalaki nin Dios an danay na naghahapit digdi.

2 Mga Hade 6:10

Kaya pinatanidan kan hade nin Israel an mga lalaki na nag-eerok sa lugar na idto, asin nagbantay sinda. Nangyari ini nin nagkapirang beses.

2 Mga Hade 6:15

Pagkaaga, nagbangon an sorogoon ni Eliseo, nagluwas sa harong asin nahiling an mga soldados, an mga kabayo saka an mga karwahe na nakapalibot sa syudad. Nagsabi an sorogoon, “Kagurangnan, ano an satong gigibohon?”

1 Mga Cronica 23:14

Alagad an mga aking lalaki ni Moises, an sorogoon nin Dios, ibinilang man sa tribu ni Levi.

2 Mga Cronica 8:14

Bilang pagkuyog sa mga pagboot ni David na saiyang ama, itinalaan niya an aroaldaw na trabaho kan mga padi asin kan mga Levita na matarabang mantang nag-aawit an mga padi asin nag-ootob kan saindang katongdan. Itinalaan man niya an aroaldaw na grupo nin mga bantay kan Templo para sa mga trangkahan kaini, siring kan ipinagboot ni David na sorogoon nin Dios.

Jeremias 23:26

Sagkod nuarin lalagalagon kan mga propetang iyan an sakong banwaan huli sa mga kaputikan na gibo-gibo ninda?

Ezekiel 1:3

Duman sa Babilonia, sa tampi kan Salog nin Kebar, nadangog kong nagtataram sako an Kagurangnan, asin namatean ko an saiyang kapangyarihan.

Mikas 1:1

Kan panahon na si Jotam, Ahaz, asin Ezekias iyo an mga hade nin Juda, tinawan nin Kagurangnan si Mikas, na taga Moreset, kan mensaheng ini. Ipinahayag nin Kagurangnan ki Mikas an gabos na bagay na ini dapit sa Samaria saka sa Jerusalem.

Mikas 3:7

An mga naghuhula kan maabot na panahon mawawaraan nin onra huli ta dai mangyayari an saindang hula. Gabos sinda magkakasoropog huli ta dai sinda sisimbagon nin Dios.

Mga Bilang 16:28

Sinabihan ni Moises an mga tawo, “Sa paaging ini maaaraman nindo na sinugo ako nin Kagurangnan tanganing gibohon an mga bagay na ini, asin bako ko ining sadiring kagustohan.

Markos 12:36

An Espiritu Santo an nagpasabong ki David na magsabi: ‘An Kagurangnan nagsabi sa sakong Kagurangnan: Tumukaw ka digdi sa too ko, sagkod na gibohon kong tungtongan kan mga bitis mo an mga kaiwal mo.’

Lukas 1:70

Nanuga siya kaidto sa paagi kan saiyang mga banal na propeta

Mga Gibo 1:16

“Mga tugang, dapat maotob an nasa kasuratan na sinabi kan Espiritu Santo sa paagi ni David dapit ki Judas na iyo an giya kan mga nagdakop ki Jesus.

Mga Gibo 28:25

Huli ta dai sinda nagka-oroyon, naghale sinda pakasabi ni Pablo kaini, “Totoo mananggad an sinabi kan Espiritu Santo sa saindong mga ginikanan sa paagi ni Propeta Isaias:

Mga Gibo 3:18

Huli sa ginibo nindong ini ki Jesus, naotob an itinaram kaidto nin Dios sa paagi kan mga propeta, na an Cristo kaipuhan magsakit.

Deuteronomio 33:1

Iyo ini an mga bendisyon na ipinahayag ni Moises, an sorogoon nin Dios, sa banwaan nin Israel bago siya nagadan.

Hebreyo 10:15

An Espiritu Santo nagpapatotoo man sato dapit kaini. Enot, nagsabi siya,

Hebreyo 3:7

Kaya siring sa sinasabi kan Espiritu Santo, “Ngunyan na aldaw, kun madangog nindo an saiyang tingog,

Hebreyo 9:8

Kaya maliwanag na itinutukdo sato kan Espiritu Santo na an agihan pasiring sa Kabanal-banaleng Lugar dai pa nabubuksan mantang yaon pa an enot na kabtang kan tolda.

Josue 14:6

Sarong aldaw, nagkapirang mga tawo na gikan sa tribu ni Juda an nagduman ki Josue sa Gilgal. An saro sainda, si Caleb na aki ni Jefunne na Keneceo, nagsabi saiya, “Aram mo an itinaram nin Kagurangnan ki Moises, an sorogoon nin Dios, manongod sa satong duwa duman sa Kades-barnea.

1 Pedro 1:11

Siniyasat ninda kun nuarin asin kun paano mangyayari an mga sakit na titioson ni Cristo dangan an kamurawayan na maabot na ipinaghula kan Espiritu ni Cristo na yaon sainda.

Kapahayagan 19:10

Duminapa ako sa pamitisan niya sa pagsamba saiya, alagad sinaway niya ako, “Dai mo iyan paggibohon! Sorogoon man akong arog saimo, arog kan saimong mga tugang na nagdadanay sa katotoohan na ipinahayag ni Jesus. Sambahon mo an Dios!” Huli ta an katotoohan na ipinahayag ni Jesus iyo an buhay kan propesiya.